Dugang 2 nitahan sa armas
CEBU, Philippines - Dili pa hingpit nga ulahi ang pagtahan sa duha ka kandidato sa pagka-konsehal sa Lungsod sa Consolacion sa ilang mga armas alang sa hapsay ug malinawon nga piniliay karong Lunes.
Si Police Officer 1 Raymond Lleve sa Consolacion Police Station niila sa duha ka kandidato nga sila si Victor Maglasang ug Marilou Casul, pulos sakop sa Liberal Party.
Sila nadugang sa mga kandidato sa One Cebu Party ug LP nga nisanong sa panawagan sa pagdala sa ilang mga armas ngadto sa buhatan sa kapolisan alang sa pagtabon og packaging tape sa sumbohan.
Nunot niini gipahinumduman usab sa kapolisan kadtong mga naghupot og armas nga ni-expire na ang lisensiya sa pag-renew.
Si Lleve niingon nga aduna silay listahan sa mga molupyo nga nagbaton og armas nga adunay lisensiya.
Kini ang hinungdan nga mahibaw-an nga expire na ang lisensiya. (BANAT NEWS)
- Latest
