Wangwang nagkadaghan, lisud dakpon
CEBU, Philippines - Giangkon sa Land Transportation Office nga lisud nila masakpan ang mga sakyanan nga nigamit og wangwang.
Kini ang hinungdan nga si LTO-7 Director Arnel Tancinco nanawagan sa publiko sa pagtaho sa plate number sa sakyanan nga mamatikdan nga nigamit og wangwang.
Gimando karon ang paghingusog sa pagdakop sa mga sakyanan nga may wangwang human gikataho nga nagkadaghan na usab kini sa pagkakaron.
Apan matud ni Tancinco nga dili tanang higayon nga anaa ang iyang mga sakop sa kadalanan aron pagpatuman sa balaud.
Gihatagan lang og pagtugot nga makagamit og wangwang mao ang ambulansiya, police car, bombero ug mga sakyanan sa mayor ug gobernador.
Ang makalapas makamulta og P5,000.
Matud ni Tancinco nga bisan og fire volunteers ug medical teams nga mogamit og pribadong sakyanan nga wala’y marka nga for emergency dili mahimong mogamit og wangwang. (BANAT NEWS)
- Latest
