Priso nagkadaghan, budget dugangan

CEBU, Philippines – Gidugangan og P10 milyones ang gahin sa pagkaon sa mga piniriso sa Cebu Provincial Detention and Rehabilitation Center alang sa sunod tuig.

Kini gumikan sa pagsaka usab sa gidaghanon sa mga piniriso.

Matud ni Provincial Budget Officer Danilo Rodas nga karong tuiga adunay gahin nga P50 milyones sa pagkaon sa 2,000 ka inmates.

Apan matud ni Rodas nga ang inmates niabot na karon sa 2,500 hinungdan nga dugangan nila ang gahin sunod tuig.

Matag inmate adunay P60 nga budget sa ila’ng pagkaon sa tulo ka kaonan matag adlaw. – /GMR) (BANAT NEWS)