Tigum ni Rama, Tomas nagkadungan
CEBU, Philippines - Gipanalipdan ni Mayor Michael Rama ang pagkadungan sa iya’ng tigum sa mga barangay kapitan sa selebrasyon ni kanhi mayor Tomas Osmeña nga iya’ng kaatbang sa politika.
Mokabat sa 70 ka kapitan ang nitambong sa tigum ni Rama diin iya’ng gipahibawo ang pasiuna’ng line-up sa umaabot piniliay.
Sa sama’ng adlaw si Osmeña nagselebrar usab sa iya’ng adlaw’ng natawhan kauban ang iya’ng kapikas nga si Konsehal Margarita Osmeña nga pareho’ng natawo sa buwan sa Hulyo.
Gipasabot ni Rama nga wala siya nakahibawo nga nagdungan ang panagtapok sa ila’ng mga kaalyado.
Giklaro ni Rama nga wala siya’y tuyo nga atbangan ang panagtapok sa kampo ni Osmeña.
“It’s just a fellowship where I feel that I’m with my family everytime I’m with my barangay captains,” matud ni Rama. (BANAT NEWS)
- Latest
