Nag-pot session naaktohan sa kapolisan
CEBU, Philippines – Naaktohan sa kapolisan ang tulo ka manag-agaw nga lalaki nga nag-pot session sa hilit nga lugar sa sitio Camolinas, lungsod sa Cordova alas 4 sa hapon niadtong niaging adlaw hinungdan sa ilang pagkasikop.
Si Police Officer 3 Vilma Degamo sa Cordova Police Station niila sa tulo nga sila si Alejandro Escabas, 51, Romil Escabas, 33 ug Maximo Escabas, 43, pulos nagpuyo sa maong dapit.
Ang hepe nga si Inspector Alexander Nunez ang nangulo sa pagdakop sa tulo ka manag-agaw.
Matud ni Degamo nga nakuha gikan sa tulo ka suspek ang duha ka pakete’ng shabu ug laing usa ka pakete nga gigamit na sa tulo ka manag-agaw. Dugang nakuha ang lain pa nga duha ka pakete’ng shabu nga wala pa magamit nga ilang gituohan nga baligya sa mga suspek ngadto sa ilang kustomer. – /GMR) (BANAT NEWS)
- Latest