Pusher naaktohan sa kapolisan
CEBU, Philippines - Naaktohan sa nagpatrolya’ng kapolisan nga naghupot og 12 ka gagmay'ng pakete sa gituohang shabu ang usa ka lalaki nga nasikop pasado alas 5 sa hapon niadtong Biyernes sa sitio Menulida, Calamba, dakbayan sa Sugbo.
Ang suspek nailhan nga si Ireneo Biatingo "Junjun Tahi" Gamboa, 36, residente sa maong lugar.
Sigun sa suspek nga wala siya nakabantay sa nagpatrolya’ng kapolisan samtang nagbarug siya gawas sa iyang panimalay ug wala na siya nakadagan.
Samtang nadakpan sa kapolisan ang gikatahapang pusher og shabu sa buy-bust operation sa barangay Gabi, lungsod sa Cordova alas 2 pasado sa niaging kadlawon.
Si SPO1 Laurencio Wagwag sa Cordova Police Station niila sa nadakpan nga si Pastor Botitot, 40, taga barangay Day-as.
Matud ni Wagwag nga ang ilang kauban nga nagsilbi’ng poseur buyer ang nipalit og shabu ug sa pagtunol sa usa ka pakete ug pagdawat sa marked money dali nila’ng gisignit ang suspek. (BANAT NEWS)
- Latest
