Kapitolyo nakakolekta’g P2.2B sa buhis

CEBU, Philippines -  Nakakolekta og P2.2 bilyones nga buhis ang kagamhanan sa lalawigan sa Sugbo gikan sa Enero hangtud Nobiyembre.

Wala pa nakatala ang nakolektang buhis sa buwan sa Disyembre sanglit wala pa matapos ang buwan.

Si Gob. Hilario Davide III nanghinaut nga sa sunod tuig mosaka ang makolekta nga buhis sa kagamhanan.

Gipasabot ni Davide nga limitado ang taxing power sa probinsiya itandi sa siyudad ubos sa Local Government Code.

Bisan pa niini naglaum ang gobernador nga mosaka ang koleksiyon sa buhis sa sunod tuig tungod kay daku kini og matabang sa implementasyon sa mga proyekto. (BANAT NEWS)