Honor scholars hataga’g incentives
CEBU, Philippines - Hatagan og incentives ang mga scholars sa kagamhanan sa dakbayan sa Sugbo nga mogradwar isip summa cum laude, magna cum laude ug cum laude.
Kini sa higayun nga mapasar na sa konseho ang giduso nga ordinansahon nga gipangamahan ni Konsehal Alvin Dizon.
Tuyo ni Dizon nga mahatagan og reward ang paningkamot sa mga tinun-an sa ilang academic achievement ug makadasig usab sila sa uban aron molampus sa ilang pag-eskwela.
Madawat sa mga scholars ang plaque of recognition ug cash incentives nga P20 mil sa summa cum laude, P15 mil sa magna cum laude ug P10 mil sa cum laude.
Ang pundo nga gamiton ilakip sa annual budget sa siyudad.
Himuon sa mogradwar nga may honor nga madawat mao ang pagduso sa kamatuoran nga dokumento ngadto sa scholarship committee sa katapusan sa semester. (Sheilame P. Medil, USJ-R MassComm Intern/GMR)(BANAT NEWS)
- Latest
