P100T alang sa seniors nga edad 100
CEBU, Philippines – Mahatagan na og katumanan ang plano sa kagamhanan sa dakbayan sa Toledo nga paghatag og dugang cash assistance sa mga senior citizens nga makaabot sa edad nga 100.
Kini human gipasar ang ordinansahon nga giduso ni Konsehal Merly Abad sa paghatag og P100 mil nga dugang cash assistance sa senior citizens nga mag-edad og 100.
Base sa talaan, adunay upat ka senior citizens nga nipatong na sa edad nga 100 diin tulo ang nagpangedaron og 103 ug usa ang 104.
Samtang nagkanayon si Konsehal Marjorie Perales nga angayang sutaon gyud nga lumad nga taga dakbayan sa Toledo ang makabenepisyo sa maong cash assistance tungod sa kadaku sa maong kandtidad.
Kini aron malikayan nga magbalhin-balhin lang ang senior citizen tungod sa maong benepisyo.
Ang senior citizen kinahanglang nagpuyo sulod na sa 20 ka tuig sa dakbayan ug adunay mapakita nga papeles gikan sa civil registrar, NSO certificate o dili ba kaha baptismal certificate.
Gihangop sa mga sakop sa Office of the Senior Citizens Association ang maong lakang sa kagamhanan. – /GMR) (BANAT NEWS)
- Latest
