Suroy-Suroy bus mamasahero

CEBU, Philippines - Pabiyahion sa Kapitolyo ang unom ka Suroy-Suroy bus atol sa kalag-kalag apan ang mga senior citizen, persons with disability ug mga mabdos ang prayoridad nga pasakyon.

Ang Provincial General Services Office (PGSO) nikuha na og special permit sa buhatan sa Land Transportation Franchising and Regulatory Board alang sa paghakot og pasahero sa mga bus sa Oktubre 30 ug 31.

Karong adlawa upat ka Suroy-Suroy bus ang padaganon gikan sa Cebu South Bus Terminal samtang dugang duha sa Biyernes.

Ang tagdumala sa CSBT ang modesisyon kun asa ang rota sa bus.

Ang Kapitolyo nanawagan sa mga bus operators sa pagdugang og mga yunit nga mobiyahe aron wala’y pasahero nga matanggong. (BANAT NEWS)