Tulisan nasikop sa checkpoint
CEBU, Philippines - Nasikop sa mga sakop sa Carbon Police ang usa ka tulisan sa checkpoint sa dalan Sanciangko, Pahina Central, dakbayan sa Sugbo pasado alas 9:00 sa miaging gabii human ang biktima nisiyagit nga gitulis.
Ang suspek naila nga si Roland Agraviador, 18, molupyo sa sitio Tumoy, Pahina Central samtang ang biktima naila nga si Irenia Alfonzo, 39, taga Basak-Pardo, dakbayan sa Sugbo.
Base sa imbestigsayon sa kapolisan nga nagsakay og jeepney ang biktima padulong sa Basak-Pardo dihang gitionan og kutsilyo sa suspek ug gipangayo ang silver nga ariyos sa biktima.
Wala manaug sa jeep ang suspek human sa hitabo hinungdan nga naagian ang checkpoint ug misiyagit ang biktima nga nagpakitabang sa kapolisan.
Naalarma ang kapolisan sa siyagit sa babaye ug nasikop ang suspek.
Narekober gikan sa suspek ang usa ka kutsilyo ug ang silver nga ariyos sa biktima.
Kasong robbery ang atubangon sa suspek kinsa gibalhug sa selda sa kapolisan. (BANAT NEWS)
- Latest
