Retiradong sundalo gipatay
CEBU, Philippines – Usa ka retiradong sakop sa Armadong Kusog sa Nasud ang gipusil patay sa nag-inusarang gunman sulod sa iyang panimalay sa Sitio Lower Santo Niño, Inayawan, Cebu City, sa miaging gabii.
Duna nay gitutukang anggulo ang kapolisan nga motibo sa pagpatay sa biktimang si Rolando Espejon, 58, nga tenant sa yuta sa maong lugar.
Matud pa ni SPO4 Alex Dacua ang imbestigador sa Homicide Section sa Cebu City Police Office nga nagtan-aw og telebisyon ang biktima nianang tungora dihang misulod ang gunman ug mipusil sa iyang ulo. Yano dayong mibiya ang gunman sa lugar.
Duna nay posibleng suspek ang kapolisan ug giingong “love triangle” ang nalambigit niini. Nakuha sa kapulisan gikan sa crime scene ang usa ka basiyo sa .9mm pistol nga gituohang gigamit sa gunman. - /EIM) (BANAT NEWS)
- Latest