E-Car dali ra maguba

CEBU, Philippines - Wala na’y klaro ang serbisyo sa kagamhanan sa Mandaue nga paghatag og libre nga sakay sa mangompra sa merkado sa Barangay Centro kay ang ilang battery-operated nga E-Car nangaguba na.

 Upat unta kini ka E-Car ang gipadagan sa Mandaue aron paghatag og libre nga sakay sa mangumprahay apan ang tulo wala na makadagan, ang usa modagan ug usahay dili.

Ang naguba nga battery sa E-Car  walay baligya dinhi ug orderon pa sa China maoy rason nga wala na kapahimusli ang mao nga mga sakyanan. (BANAT NEWS)