Dr. Cañete giabswelto
CEBU, Philippines- Giabswelto sa korte ang presidente sa Mandaue City College-Canduman campus nga si Dr. Paulus Mariae Cañete sa kasong ilegal nga paghupot og armas.
Si Supt. Mersan Premne, kanhi deputy chief for operation sa Mandaue City Police Office (MCPO), ang nipasaka sa kaso.
Si Municipal Trial Court in Cities Judge Carlos Fernando sa dakbayan sa Mandaue sa iyang 19 ka pahina nga desisyon miingon nga nagkasungi ang mga pamahayag sa mga saksi sa prosekusiyon hinungdan sa pag-abswelto kang Cañete.
Matud ni Fernando nga ang mga polis nga maoy nagdakop kang Cañete nga maoy nagsilbing testigos sa ilang pamahayag miingon nga ang armas nga ilang nakuha sulod sa sakyanan nga giluwanan sa akusado.
Apan adunay nag-ingon nga ang armas didto nakuha kang Gavino Cabahug nga mao usab ang nagtaho kanila sa kapolisan labot sa panagtagbo nga nahitabo niadtong gabii sa Mayo 8, 2008.
“It is a basic principle in criminal law that where the evidence is capable of two or more inferences one of which is consistent with the presumption of innocence and the other compatible with a finding of guilt the court must acquit the accuse because the evidence does not fulfill the test of moral certainty and therefore is insufficient to support of conviction,” nagkanayon ang hukom ni Fernando.
Kahinumduman nga si Cañete maoy gitudlo nga presidente ni kanhi mayor, Bokal Thadeo Ouano, nga nahimong kontrobersyal.
Dihang nipuli si Mayor Jonas Cortes, iyang gitangtang si Cañete sa katungdanan ug maoy gihulip si Dr. Susana Cabahug nga gisupak usab ni Cañete ug miinsister sa pagpabilin sa katungdanan nga iyang gihuptan. - /GMR) (BANAT NEWS)
- Latest
