Ang Briton nga gipatay gisunog

CEBU, Philippines - Ang British national nga gipusil patay sa gwardiya sa iyang Dive Shop sa Malapascua Island didto sa Daanbantayan dad-on balik sa ilang nasud nga usa na ka abu. Nahukman sa kabanayan ni Anthony Gilchrist nga i-cremate na lang ang iyang lawas kay hasol na ang pagpadala niini balik sa Britanya. Base sa pag-autopsy nasuta nga upat ka bala ang miigo sa luyo’ng bahin sa ulo sa biktima.

Matud sa doktor nga bisan og nadali pa pagdala sa ospital ang langyaw dili lang gihapon kini mabuhi tungod sa iyang mga samad.  Matud ni Brunia nga dul-it ang pagkapusil ni Melchor Alciso Jr., 42, ngadto sa biktima.

Ang langyaw gipusil patay ni Alciso human siya gikasab-an tungod sa pagkalangan pag-abot sa iyang duty. Matud sa gwardiya nga dili na niya maantos ang kanunay nga pagpangasaba sa langyaw kaniya. (BANAT NEWS)