P50 milyong nga school building gisubhan

CEBU, Philippines — Ang Department of Education Region 7 (DepEd-7) opisyal nga nilusad sa rehiyonal nga pagsugod sa Brigada Eskwela 2026 sa Subangdaku Elementary School sa Dakbayan sa Mandaue nga gipanindot pinaagi sa turnover sa P50-milyon nga building sa eskwelahan nga gidonar sa usa ka pribadong institusyon.

Ang bag-ong gi-inagurahang duha ka andana nga pasilidad adunay napulo ka classrooms, usa ka world-class nga speech laboratory, ug usa ka gymnasium nga gitumong aron mapalambo ang kasinatian sa pagkat-on sa mga estudyante.

Mitambong sa seremonya sila Cebu Governor Pamela Baricuatro, mga opisyal sa Dakbayan sa Mandaue nga gipangulohan ni Mayor Thadeo Jovito “Jonkie” Ouano, Cebu Archbishop Alberto Uy, Education Facilities Division Director III Michael de Guzman, uban sa mga stakeholder sa edukasyon ug mga representante sa DepEd.

“The school building is a celebration of partnership, generosity, and shared responsibility,” matud ni de Guzman nga mikutlo sa mensahe ni Education Secretary Sonny Angara ug mipasalamat sa donor sa maong building.

Gitug-an ni de Guzman nga dunay kakulang nga 165,443 ka classroom tibuok nasud ug dako kaayo ang matabang sa pribadong sector aning bahina para matabangan ang edukasyon sa mga bata. Si Marylou Ngo-Ang sa Dynamic Castings Inc. nga maoy nidonar sa maong eskuylahan miingon nga ang kalidad sa edukasyon dili lamang masukod pinaagi sa mga estraktura o pasilidad.

“A building alone does not educate a child. What truly matters is what happens inside these walls,” matud ni Ngo-Ang.

Gipahibalo usab ni Baricuatro nga ang probinsya mohatag og P5 milyones alang sa pagtukod sa usa ka speech laboratory sa maong eskwelahan.

“Brigada Eskwela reminds us that educating a child is never the work of one person alone. It takes a community. It takes parents, teachers, government, private partners, and ordinary citizens coming together because we all believe that our children deserve the best possible future,” matud pa gobernadora.

“We hope this facility will help our young learners build confidence, strengthen their communication skills, and prepare them for the opportunities that await them in the future,” dugang pa ni Baricuatro.--Mitchelle L. Palaubsanon uban sa reports nilang Sofhia — Grace Neri ug  Mia D. Esplaguera,CNU interns/IBM BANAT NEWS