17-anyos estudyante patay sa live wire
MANILA, Philippines — Patay ang isang 17-anyos na estudyante makaraan itong aksidenteng makuryente sa live wire sa bakod ng isang lupain sa Roxas City, Capiz, ayon sa ulat kahapon.
Sa ulat ng Roxas City Police, kinilala ang nasawing biktima na si Saira Lumbao, senior high school student ng Brgy. Banica ng lungsod na ito.
Base sa imbestigasyon, nangyari ang insidente noong Sabado matapos na nasabing estudyante ay mag-jogging sa may tabing dagat at napadaan sa lugar kung saan nagpahinga ito sumandal na naupo sa tabi ng barbed wire na bakod.
Gayunman, lingid sa kaalaman ng estudyante ay may dumadaloy na kuryente sa nasabing barbed wire na bakod bunsod upang makuryente sa kaniyang pagtayo.
Bago ito, nakita pa ang biktima na nakaupo sa tabi ng barbed wire na bakod sa lugar nang aksidenteng makuryente at magkikisay.
Sa pahayag ng mga nagrespondeng opisyal ng barangay, may dumadaloy umanong elektrisidad sa bakod pero walang warning sign na nakalagay.
Sinisi naman ng pamilya ng biktima ang caretaker ng nasabing property sa pagkakakuryente ng kanilang anak.
- Latest
