VP Sara dumalaw sa burol ng mga nasawi sa Tacloban school shooting
MANILA, Philippines — Dumalaw kahapon ng madaling araw si Vice President Sara Duterte sa burol ng mga nasawi ng pamamaril sa San Jose National High School sa Tacloban City upang makiramay sa mga naulilang pamilya at tiyaking maipagkakaloob ang hustisya sa mga biktima.
Dakong alas-5:00 ng umaga ay dumating si Duterte at personal na nakausap at nakiramay sa mga kaanak ng tatlong nasawi sa insidenteng ng pamamaril sa loob ng eskwelahan na ikinasugat ng 20 iba pa noong Lunes.
Tiniyak din niya sa mga ito na nagsusumikap ang mga otoridad para mabigyan ng hustisya ang kanilang mga nasawing kaanak.
Nadakip naman ng mga otoridad ang 14 at 15-anyos na mga suspek sa pamamaril na lumitaw na planado ang krimen.Kinasuhan na rin ang 15-anyos ng mga kaso.
Lumitaw sa imbestigasyon na matagal nang pinagpaplanuhan ng mga ito ang krimen bago ito tuluyang na isinakatuparan.
- Latest
