Rain or Shine gipaboran

Mas gilabanan ni Alaska Aces team owner Fred Uytengsu ang Rain or Shine Elasto Painters nga maoy mudaog sa PBA Governor’s Cup finals batok sa B-Meg Derby Ace Llamados.

Nasayran nga ang Alaska mao ang koponan nga gibiyaan ni coach Tim Cone nga atoa na  magserbisyo sa B-Meg. 

Gipahinungud sa amahan

Gibutyag ni Filipina archer Rachelle Anne Cabral-de la Cruz nga gipahinungod niya ang iyang pagduwa sa Olympics ngadto sa iyang mitaliwan nga amahan.

Si Dela Cruz moduwa sa knockout pairing sa first round karong adlawa diin may kahigayunan siya nga moabante sa sunod round.

2 sparmate ni Pacquiao daog

Pulos mikulit og daog ang duha ka sparmate ni Manny Pacquiao nga sila si Raymund Beltran ug Shawn Porter sa tagsa-tagsa nila ka sangka kagahapon.

Si Beltran mikulata ni Hank Lundy alang sa NABF lightweight title, samtang si Porter mipilde ni Alfonso Gomez alang sa NABF welterweight belt. - BANAT NEWS