_freeman
^

Opinion

Pataka nga pagpangopya

ARANGKADA - Leo Lastimosa - The Freeman

Di orihinal nga ideya ni Lapulapu City Mayor Ahong Chan ang pagdili sa kalihokan sa mga way bakuna. Nisunod ra siya ni Joey Concepcion, ang presidential adviser on entrepreneurship, nga nihatag og duha ka rason sa iyang sugyot ngadto sa Inter-Agency Task Force (IATF): Pagdasig sa katawhan sa pagpabakuna ug paghatag og insentibo sa mga nagpabakuna.

Pero si Concepcion igo ra sang nisunod sa Italya nga nidili na sa mga way bakuna pagsud sa publikong mga lugar. Pero ang Italya nangopya ra sa Israel nga maoy kinaunahang nipahamtang sa mga pagdili.

 * * *

Ang angayng mahibaw-an nilang Concepcion, Chan ug sa mga niabiba sa ilang plano mao nga mas lig-on ang sukaranan sa Israel ug Italya sa pagpanghudlat sa mga way bakuna: Kay abunda ang ilang suplay sa bakuna, paspas ang ilang pamakuna ug may dakong bahin sa ilang populasyon nga nagdumili sa pagpabakuna.

Sa kataposang ihap, 61% na sa Israelis ang nakadawat og first dose ug 56% ang nahuman na sa second dose. Samtang 25% pa lang sa mga Italyano ang nabakunahan, masaligon ang ilang gobyerno nga mabakunahan nang 80% sa populasyon karong Septiyembre.

 * * *

Dinhi sa ato, ang kataposang numero sa pagpamakuna sa National Task Force (NTF) batok sa Covid-19 nagpakita nga 5.5% sa target population sa Pilipinas ang fully vaccinated ug 10.1% pay nakadawat sa first dose.

Sa ato pa, kon ipatuman ang sugyot ni Concepcion, 94.5% sa mga Pilipinhon di makasud sa mga tindahan ni makabiyahe bisan asa. Gawas nga lisod tanggungon ang maong gidaghanon, mabangkarota ang iyang kaubanang mga negosyante sa kanihit sa mga kustomer.

 * * *

Mas masulub-on ang mga numero sa Opon: Ikaupat ra sa mga syudad sa Metro Cebu sa gidaghanon sa mga fully vaccinated: Nag-una ang Mandaue City (16%); ikaduha ang Cebu City (13%); ikatulo ang Naga City (10%); dayon ang Lapulapu (8%).

Kon 27,002 ra ang fully vaccinated sa mga Oponganon sukad sa pagsugod sa pamakuna niadtong Marso, bisag unsaon pa og TikTok ni Chan di mabakunahan ang nahibiling 92% hangtod sa pagpatuman sa iyang executive order karong Agosto 25. Ug di silay sad-an. Kon dili ang ka way bakuna sa nasudnong gobyerno.

COVID-19 VACCINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with