Wako nagpa retoke tawon!

CEBU, Philippines — Gihimakak ni Heart Evangelista ang giingong pangankon sa usa ka doctor nga kini maoy nagretoke sa ilong sa aktres kaniadto,

Nagsugod kini dihang may usa ka babaye nga netizen ang ni-tweet nga matud pa magpa retoke siya sa iyang ilong, ug ang iyang cosmetic surgeon mao ang nagretoke sa ilong ni Heart.

Si Heart nga nakakita sa maong tweet, nangutana sa babaye unsay ngalan sa doctor nga gipasabot niini, kay sure gyud matud pa siya nga namakak ang maong mananambal.

"Who is this doctor because I can actually tell him I didn’t do my nose and he is lying to you. Please give me the name. You can actually sue him for lying to you," nagkanayon siya.

Gi-delete na ang nahisgutang tweet.

Suma pa ni Heart wala siya nagparetoke, ug nga kun aduna man gani doctor nga mudeklara o mangankon nga sila maoy cosmetic surgeon niya, angayang pahibaw-on matud pa siya kay dako kining bakak.

Nihangyo si Heart ni bisan kinsa nga makadungog og doctor nga mangankon nga maoy niretoke niya nga kinahanglang mopahibawo gyud niya kay dako kining bakak ug dakong sayop.

Giklaro niya nga dili siya supak og cosmetic enhancement, apan, dili gyud sila angayan nga mutuo kun mahisgutan iyang ngalan isip kliyente. Suma pa niya, wala pa siyay cosmetic enhancement, apan kun ma edaran na siya, hayan mopailawom siya niini. Sa maong higayon, mo-recommend na matud pa siya kinsa iyang doctor.

"To anyone out there who wishes to get cosmetic surgery- I am for making yourself a better version but DO NOT BELIEVE if they said they did my face etc - for the record I didn’t. When I’m older and di na kaya tiisin I don’t mind doing some procedures and I will refer who is good."

Wala malain uy…

Giklaro ni Angel Locsin nga wala siya nasagmuyo sa pinangutan-anan ni TV Patrol anchor Alvin Elchico taliwala sa pagsaway nga nadawat sa nauwahi gikan sa netizens niadtong Biyernes sa gabii.

Wala nakauyon ang netizens sa interview ni Alvin kang Angel niadtong Biyernes kay matud pa insinsitibo bisan nakita na nga emosyonal na ang aktres. Ang interview ni Alvin kabahin sa community pantry sa aktres diin may namatay nga senior citizen.

Niadtong Domingo, gi-tweet ni Alvin ang screenshot sa mensahe ni Angel nga iyang gipadala ngadto sa nahisgutang broadcast journalist pinaagi sa iyang uyuan nga si Bayan Muna Chairperson Neri Colmenares.

Ang mensahe sa aktres nagkanayon: “Kuya pakisabi hindi po ako na-offend.

“Tinanong nya po ang mga tamang tanong na gustong marinig ng tao ang sagot.

“Ginawa nya po ang trabaho nya.

“Wala pong nakaka-offend duon at nirerespeto ko po sya.

“Pasensya na po kung nakagulo po ako sa kanya.”

Na pressure uy…

Giangkon ni Charlie Dizon nga human siya nakadaog makaduha na kahigayon isip best actress para sa pelikulang Fan Girl, nakabatyag siya og pressure nga kinahanglan maayo iyang performance sa musunod niyang projects. Hinungdan nga niya pa, dili na niya hunahunaon ang mao niyang mga kadaugan aron dili siya ma-pressure. Ug ang iyang buhaton mao nga mopailawom gyud siya og acting working matag higayon nga aduna siyay himuon nga project, sama karon nga aduna siyay gitakda nga himuon nga teleserye.

Hatagi’g kalinaw…

"I've moved on." Kana maoy giklaro ni Andrea Torres kabahin sa break-up nila ni Derek Ramsay niadtong Nobyemre. Si Andrea nga nitambong sa presscon para sa iyang GMA7 teleserye nga “Legal Wives” niining bag-o lang, nidugang nga kun matuod gyud nga girespeto siya ni Derek, pasagdan siya niini nga magmalinawon. "If he truly respects me and my family, he'll let us have our peace." Kahinumduman nga niadtong Martes, nagpa interview si Derek kang Cristy Fermin ug nibutyag nga siya maoy nakigbuwag kang Andrea ug nahitabo kini pinaagi sa telepono.

Hain si Michelle?

 Na-intriga ang pageant fans ingon man netizens nganong wala naapil si Michelle Gumabao sa alcohol endorsement video sa mga mananaog sa Miss Universe Philippines sa nilabay nga tuig. Naa sila si Rabiya Mateo, ang first runner-up nga si Bella Ysmael, third runner-up Pauline Pauline Amelinckx, ug fourth runner-up Billie Hakenson. Ug inay ang second runner-up nga si Michelle, ang national director nga si Shamcey Supsup maoy nikompleto sa top5. Hinungdan nga nahibulong ang mga nakakita naunsa na sab si Michelle sanglit ikatulong higayon na kini nga wala siya malakip. Una niini, wala siya sa presscon pagkahuman gyud sa pageant niadtong October, wala sab siya sa paglugwa sa mga mananaog sa ASAP Natin To sa nilabay nga tuig.

Number 2…

Walay pagpamilok nga gideklara ni Bayani Agbayani sa welcome zoom mediacon sa Viva Artist Agency kagahapon nga ang ilang show nga Lunch Out Loud sa TV5 na maoy number 2 sa ratings game. “Awa naman ng Diyos, after Eat Bulaga, kami na. Ganoon na yung ratings.” Adunay upat ka noontime shows karon sa nasud nga mao ang It’s Showtime sa ABS-CBN, Happy Times sa Net 25, Eat  Bulaga sa GMA7 ug LOL sa TV5.

Mensahe ni Mommy

Nakaangkon og 64K reactions ang birthday greeting sa mama ni Kathryn Bernardo nga si Min Bernardo para kang Daniel Padilla kagahapon sa Instagram. Ang mensahe para sa 26th birthday ni Daniel nagkanayon: "Happy 26th birthday @supremo_dp. Mahigit na 10 taon ka na naming nakilala. Mula nung nagsisimula ka pa lang magbinata, nakita ko ang kalokohan at kapilyuhan mo sa lahat ng bagay pero napagdaanan nating lahat ang mga yan. Nakita din naming lahat ang tunay na Daniel John Ford: maalaga, mapagmahal at mabait na anak at kapatid. Ngayon, muling nadagdagan na naman ng isang taon ang iyong edad. We always pray that God bless you more, gives you strength and teach you more additional knowledge to face the future.”