6 pang armas ni Bato, nasa kustodiya na ng PNP

MANILA, Philippines — Inilagay na sa kustodiya ng Philippine National Police (PNP) ang anim pang baril sa Cavite na pag-aari ng nagtatagong si Senator Ronald “Bato” Dela Rosa matapos ang pagbawi ng kanyang License to Own and Possess Firearms (LTOPF) at mga rehistro.

Ayon sa PNP na ang abogado ni Dela Rosa ang nagsoli noong Lunes sa mga personnel ng PNP Firearms and Explosives Office and the Regional Civil Security Unit 4A (Calabarzon) sa pakikipagtulungan ng mga pulis sa kanyang tirahan sa Silang, Cavite.

Sa panibagong pagsoli ng 6 baril ay umabot na ito sa 26, na ang unang pagsoli ng 20 armas ay naganap noong Hunyo 11.

Umaabot sa 91 baril ang hindi pa na-iturn over na kung saan ay nasa 117 mga baril at nakarehistro sa pangalan ni Dela Rosa.

Ang revocation ay inisyu ng PNP Firearms and Explosives Office batay sa Republic Act No. 10591, o Comprehensive Firearms and Ammunition Regulation Act.

Si Dela Rosa ay may warrant of arrest ng International Criminal Court dahil siya ay co-perpetrator ni dating Pangulong Rodrigo Duterte sa umano’y crimes against humanity na kung saan ay nasa libo umano ang napatay sa pinairal ng war on drugs campaign ng Duterte administration.