First Flight

CEBU, Philippines — Ang "First Flight" maoy ikatulo nga pelikula ni Ruby Ruiz nga siya ang bida. Mapasalamaton si Ruby kay nakadawat siya og suporta nila  Maricel Soriano, Rez Cortez, Soliman Cruz, Kidlat Tahimik, Kare Adea, Emmanuel Santos, ug  Lui Manansala .Si  James J. Robinson ang direktor sa maong pelikula . 

Vice milusad og awit alang sa mga reyna

Gidalit sa  “Unkabogable Superstar” nga si Vice Ganda ang  iyang bag-ong kanta nga “Talak” alang sa mga maisog o  palaban nga  reyna, nga nagdala sa walay kahadlok nga pagpadayag sa kaugalingong tingog. Aduna kini kusganong mga linya ug lingaw nga beat  isip  kabahin sa pagbalik sa pageant segment  nga Miss Q&A: Reyna Talak-Era 2026.

Ang “Talak”  kay usa  ka selebrasyon sa kaisog, pagsalig sa kaugalingon, ug deretsong pagpadayag sa  personalidad. Gisulat kini mismo ni Vice  uban sa tabang nila Chris Lopez ug Kiko Salazar.

Giprodyus ang maong awit nila Chris Lopez ug Jonathan Manalo, uban sa supervising producer ug StarPop label head nga si Roque “Rox” Santos.

Madungog  na sa  music lovers ang “Talak” sa nagkalain-laing music streaming platforms sugod karong Biyernes, Hunyo 26. 

Kathryn maka-wax figure sa Madame Tussauds

Gipaambit sa sikat nga aktres nga si Kathryn Bernardo pinaagi sa iyang Instagram Story nga makabaton  na siya og kaugalingong wax figure sa Madame Tussauds Hong Kong.

Sa iyang post, gipadayag ni Kathryn ang iyang kasadya ug kahinam alang sa maong proyekto. "I can't wait for you all to see my wax figure twin at Madame Tussauds Hong Kong," suma pa ni Kathryn .