Nakahilak sa trailer

CEBU, Philippines — Emosyonal sila Donny Pangilinan ug Belle Mariano human nila nakita ang  bag-ong trailer sa ilang pelikulang Tayo Sa Wakas. Gikatahong mao kini ang katapusan  nila nga pelikula  isip magka-love team ,  samtang mosubay sila og lain-laing direksyon sa ilang mga karera. Todo usab ang promosyon sa DonBelle alang sa maong proyekto nga ipagawas sa mga sinehan sugod karong Mayo 27, 2026 — Grezy Mie Sibay, CNU-Main  Journalism Intern

Dennis ug Ruru, mag-uban sa “Hari ng Tondo

Magkuyog na usab ang mga Kapuso stars nga sila Dennis Trillo ug Ruru Madrid  isip mga bida sa umaabot nga serye sa GMA nga “Hari ng Tondo” ,diin ilang  pagadalhon  ang mga karakter nila  Gabriel Salvacion ug Edgardo “Egay” Casimiro.

Puwerting lipaya sa duha  sa subli nila nga panag-uban sa usa ka proyekto human sa kalamposan sa pelikulang  “Green Bones” .

Apil usab sa cast sa “Hari ng Tondo” sila Ryza Cenon, Ysabel Ortega, Rocco Nacino, ug Isko Moreno , ubos sa direksyon ni Enzo Williams, ug ipasalida kini sa GMA Network sa dili  madugay .— Grezy Mie Sibay, CNU-Main , Journalism Intern

Maki nakalangkat og 1 billion streams sa spotify

Padayon ang pagsidlak sa career sa   Kapamilya singer-songwriter nga si Maki human niini makab-ot ang 1 billion all-time streams sa Spotify , samtang nagsingabot ang iyang  “KOLORCOASTER” Southeast Asian tour.

Gikatakdang  mopagawas si Maki sa iyang bag-ong single nga “Habangbuhay Pansamantala” karong Mayo 24. Ang iyang Southeast Asian tour kay pagahimoon sa Singapore karong Hunyo 13 ug sa Jakarta, Indonesia karong Hunyo 14. Motikang usab siya sulod karong tuiga  sa North America, Australia, ug  New Zealand.