Crunchyroll, may anime party buong mayo

Nag-anunsyo ang Crunchyroll ng pinakamalaki nitong Ani-May—isang month-long, worldwide celebration na puno ng mga karanasan sa iba’t ibang screen, games, at real-world moments na nagbibigay sa mga tagahanga ng mas maraming paraan para magsama-sama, magdiwang, at ipakita kung paano nila minamahal at isinasabuhay ang anime.

Ilan sa mga tampok sa Southeast Asia ay ang on-ground fan experiences sa Anime Festival Asia Thailand 2026, kung saan maaaring makilala ng mga tagahanga ang Japanese voice actor ni Denji mula sa Chainsaw Man, kasama ang digital-first activations tulad ng Ani-May Challenge sa TikTok at Instagram, kung saan hinaharap ng mga creator ang anime-inspired challenges at iniimbitahan ang fans na makilahok.

Ngayong taon, higit pa sa panonood ang Ani-May, gagawing isang hindi mapigilang cultural moment ang buwan ng Mayo kung saan maaaring makadiskubre ng bagong serye ang mga tagahanga, makakuha ng rewards, at makakonekta sa komunidad nang higit kailanman.

Asahan ang mga kaganapan mula sa mga paboritong franchise ng fans tulad ng JUJUTSU KAISEN, My Hero Academia, Black Clover, Solo Leveling at Frieren: Beyond Journey’s End.

Bilang panimula sa selebrasyon, ang Chainsaw Man – The Movie: Reze Arc ay eksklusibong ipapalabas sa Crunchyroll simula Abril 30.

Bago pa man magsimula ang pagdiriwang, maaaring tumutok ang fans sa isang espesyal na Ani-May Instagram livestream, kung saan ibibigay ng host na si Tim Lyu at guest actor na si Adam McArthur (JUJUTSU KAISEN) ang unang sulyap sa mga nakahandang kaganapan para sa buong buwan.