"Deadline" sa Blackpink

CEBU, Philippines — Pormal na nga gianunsyo sa grupong Blackpink nga duna sila’y big comeback sunod bulan  pinaagi sa ilang ikatulo nga mini album  .Ang  maong album kay nag-ulohan og "Deadline" nga gikatakdang ilusad karong Pebrero  27.    Gisundan niini ang album nila nga "Born Pink" niadtong 2022.

Nonsense

Gitataw  ni Toni Gonzaga nga wala siya’y panahon nga mohatag og atensyon sa mga nonsense nga butang.  Mao kini ang lenggua ni Toni ngadto sa mga nangintriga nga matud pa dunay problema sa kaminyoon nila ni Paul Soriano. “Don’t waste time sa mga nonsense, okay? “ suma pa ni Toni.

Mobakasyon sa Amerika

Nagplano si Paolo Gumabao  nga mobakasyon sa Amerika sulod sa unom ka buwan.  Nasayran nga nagtrabaho sa maong dapit ang iyang igsoun. Gusto sa aktor nga mag-explore sa maong lugar. —Sanden J. Anadia

Kapuso stars magbaha sa Sinulog 2026

Magbaha ang Kapuso stars sa mga kalihokan sa Sinulog Festival 2026, nga giandam sa GMA Regional TV.

Sugdan ang kasadya karong adlawa , Biyernes, Enero 16, 2026, sa Kapuso Mall Show sa Ayala Central Bloc,alas  4:00 sa hapon, uban nila Allen Ansay, Althea Ablan, Larkin Castor, ug Shan Vesagas.

Magpadayon ang kalihokan ugma , Sabado, Enero 17, sa The Terraces, Ayala Center Cebu, alas 4:00 sa hapon, uban nila Vince Maristela, Cheska Fausto, ug Cassy Legaspi. Nalakip  usab sila Martin del Rosario, Mike Tan, ug Beauty Gonzalez nga mga bida sa  House of Lies.

Karong Domingo, Enero 18, alas 4:00 sa hapon, ipahigayon ang laing Kapuso Mall Show sa SM City Cebu, kun diin manghugyaw Kim de Leon, David Licauco, ug Jillian Ward nga mga bida sa  upcoming GMA Prime series nga Never Say Die.

“Ghosting” Season 1 , libre sa iWant

Libre na na nga makita   sa iWant  hangtod sa Enero 31  ang hit digital series nga “Ghosting” Season 1 nga gibitoonan nila  JM Ibarra ug Fyang Smith .

Ang walo ka episodes nga serye nagsaysay sa talagsaong gugma tali nila  Jaja, usa ka college student, ug Wilberto, nga usa ka kalag.

Nalakip pud sa maong serye sila  Gello Marquez, Kobie Brown, Vivoree, ug Zach Guerrero, Peewee O’Hara ug Ces Quesada.