Nakahilak si Shaira

CEBU, Philippines — Emosyonal si Shaira Diaz sa dihang gisukod niya ang iyang wedding gown. Nilarga mismo si Shaira sa South Korea aron kuhaon ang gown alang sa umaabot nga kasal nila ni Edgar Allan Guzman .Ang sikat nga  fashion designer nga si Choi Jae Hoon maoy nagmugna niini.

“Umaaligid” gilusad na!

Gi-release na kagahapon ang awit nga “Umaaligid” nga kolaborasyon sa Popstar Royalty  nga si Sarah Geronimo ug sa grupo  nga  SB19

Madungog na ang maong awit sa nagkalain -laing streaming platforms ug  mao kini ang unang single nga gi-release ubos sa kaugalingong record label ni Sarah nga G-Music.

Una na nga gipahibalo sa bana ni Sarah nga si Matteo Guidicelli sa niaging semana  ang paglusad sa G-Music nga may nisunod   sa ilang mga unang negosyo nga G-Productions ug G-Studios. 

Nagpuyo sa Amerika

Nagbase na  sa Amerika  ang kanhi miyembro sa Viva Hot Babes nga si Ella V kauban ang iyang bana ug mga anak.  Mobakasyon siya usahay sa Pilipinas gumikan sa iyang mga negosyo. Wala pa sa iyang hunahuna nga mobalik sa showbiz gumikan kay nakatutok siya sa pag-atiman sa iyang pamilya.

Beach house

Nag-partner sa negosyo ang  managhigala nga sila Nikko Natividad ug Zeus Collins. Bag-ohay lang gibuksan ang ilang   beach house didto sa Zambales.Nagkauban kaniadto sila   Nikko ug Zeus isip mga miyembro sa  boy group nga Hashtags sa It's Showtime.

Zack ug Ben&Ben ,bag-ong coaches sa The Voice Kids

Si Zack Tabudlo  ug ang magkaluha  nga Paolo  ug  Benjamin Guico sa Ben&Ben maoy bag-ong coaches sa Season 7 sa  GMA-7 reality talent competition  nga The Voice Kids.

Magpabilin gihapon nga coaches sa maong show sila  Julie Anne San Jose ug Billy Crawford .

Dili na nila makauban  ang SB19 members nga  Stell  ug Pablo  nga nag-coach sa niagong season.

Si Maki maoy nagpasikat sa awit nga “Dilaw”, samtamg ang Ben&Ben maoy nagkanta sa “Kathang Isip”.

Espesyal kaayo alang kang  Zack ang The Voice Kids sanglit nahimo siya nga  contestant niini sa  Season 1 sa maong programa niadtong  2014 nga gi-ere pa niadtong tungora  sa ABS-CBN.

“Heart and Soul” concert ni Jed nagkadoul

Nagkadoul na ang pag-perform sa world-class Filipino singer nga si Jed Madela alang sa usa ka espesyal nga konsyerto nga nag-ulohan og “Heart and Soul” karong Agosto 5, 2025, sa Pacific Ballroom sa Waterfront Cebu City Hotel and Casino.

Ang maong konsyerto kay dili lang kutob sa kalingawan, sanglit usa kini ka charity event nga gituyo aron makatigom og pondo alang sa Santuario di Padre Pio - Cebu nga nahimutang diha sa Barangay Pulangbato sa Dakbayan sa Sugbo .

Aduna pu’y special guests si Jed nga naglangkob nila Bituin Escalante, JM dela Cerna, ug Marielle Montellano.  Sa nangaging interview , gibutyag ni Jed nga wala gyud siya nagduha-duha sa maong konsyerto gumikan sa mahinungdanon nga katuyoan niini.

Giila si Jed Madela sa iyang crystal-clear nga tingog ug emosyonal nga pagpadayag og mensahe pinaagi sa pag-awit .

Kalabot sa pagpalit sa concert tickets , mahimong mobisita sa www.smtickets.com.  Pipila sa sikat nga mga awit ni Jed kay “Let Me Love You (From the Start),” “Forevermore,” “How Can I Fall,” “The Past,”“Song for You,” “Home to You,” “Love Takes Time,” “Wish,” ug “I’ll Be Around.”