"Dili ko ka-move on" himoan og short film

CEBU, Philippines —  Himoan og short film ang awit nga "Dili Ko Ka-Move On" nga  nahimong usa sa 12 ka entries sa ika-43 nga Cebu Popular Music Festival. Kini ginama ni Konsehal Roy Nacario ug giawit ni Christian Cayobit.

Si Sam Costanilla, VF, presidente sa Visayan Filmmakers Network, mihangyo ug gitugtan ni Nacario nga ang maong awit himoan niya og short film nga magdala gihapon sa maong titulo.

Ang mga artista niini mao sila si Nacario, Cayobit, Atty. Jave Mike Aton, Michelle Henny, Dan Escasinas ug Elle Nacario. Si Costanilla mao ang writer/director sa short film.

Kini ipakita karong Marso 25 pinaagi sa 818 LILAS FB page ug YouTube channel.