Nag-date sa Italy

CEBU, Philippines — Todo suroy sa Italy sila si Benjamin Alves ug Chelsea Robato, samtang dili sila  busy karong semanaha. Gipakita sa duha ang lig-on nila nga kaminyoon.Gikasal sila si Benjamin  ug  Chelsea niadtong Enero.

Nagpa-relax sa Boracay

Sa Boracay nag-Holy Week ang Kapuso actress nga si Sanya Lopez. Gipahimuslan niya ang panahon samtang wala pa siya'y taping sa upcoming series sa GMA-7 nga Pulang Araw.

Gipasuroy sa Siargao

Gipakita gyud ni Andi Eigenmann ang iyang kinabuhi didto sa Siargao ngadto sa iyang igsoun nga si Gwen Guck kinsa gipasuroy niya sa maong dapit dili pa lang dugay.“An introduction to the island life for my (not so) little brother. It did not happen in the circumstance we had hoped for, but I’m glad to finally do this nonetheless," Instagram post ni Andi .

Online bullying gikondenar sa MUPh

Wala mahimout ang Miss Universe Philippines Organization ngadto sa pipila netizens nga nagbugal-bugal sa mga kandidata sa maong prestihiyosong indigay.

Ang labing ulahi nga nabiktima sa online bullying mao ang representante sa Albay sa   Miss Universe Philippines 2024 nga si

Elaine Bernales  kinsa ang hitsura niini kay gikumparar ngadto sa  transgender woman.

Nipagawas og official statement ang MUPh organization nga nikondenar sa  dili maayong  gibuhat sa pipila ke netizens .

 “The Miss Universe Philippines Organization strongly condemns any and all forms of cyberbullying towards the Organization, the delegates and anyone associated with the pageant.This includes but is not limited to bullying, threatening & derogatory remarks made in the MUPh social media platforms. We recognize the harmful effects of cyberbullying to a delegate’s mental and physical health that can last long after the pageant," suma pa sa MUPh organization. 

Sheryl na-starstruck kang Nora

Giangkon ni Sheryl Cruz nga  na-starstruck siya kang Nora Aunor sa dihang nakauban niya kini sa taping Kapuso  afternoon series nga “Lilet Matias, Attorney-At-Law.”

Dunay espesyal nga partisipasyon  ang beteranang aktres sa maong teleserye nga gibidahan ni  Jo Berry.

Dali nga gi-post  ni Sheryl sa Instagram ang hulagway nila ni  Nora.

Kaayohan sa bata gipaneguro ni JK

Gipakita ni JK Labajo ang iyang pagpangga ngadto sa duha ka  buwan nga bata ug iya gyud gipaneguro nga dili maalanganin ang sitwasyon niini sa  usa niya ka gig.

Nasayran nga duna siya'y fan nga nagdala og bata.

"Umiiyak na si baby o okay lang ba iyan? Umiiyak. Kawawa naman yung bata," mensahe pa niya ngadto sa iyang fan nga nagbitbit ang bata.

Gikuha sa singer ang bata ug siya mismo ang nibitbit niini ug nipadangat og  mensahe ngadto  sa ginikanan sa bata.

 "So yung mga bata, especially mga one year old and below, super sensitive pa yung mga tenga nila.Sino ba meron diyang headphones or something? Headphones na di naka-on, something na ganon,"ni JK pa. Matud pa sa singer nga prayoridad gyud niya ang komportableng sitwasyon  sa bata. 

"Maraming salamat sa suporta, pero please, alagaan niyo si baby,"niya pa.  Nakadawat og mga pagdayeg si JK gikan sa netizens gumikan sa gipakita niya nga concern sa bata.

ABS-CBN nagmadaogon sa reader's  digest trusted brands 2024

Nakadawat og mga rekognasyon ang  ABS-CBN sa bag-ohay lang nga Digest Trusted Brands Awards 2024 kun diin nakuha usab niini ang   Gold award.

Giila ang  ABS-CBN sa inobasyon niini isip  global storytelling company.

Nakaangkon sa titulo nga  Most Trusted personalities ang "It's Showtime" host nga si Vice Ganda ug ang beteranong news anchor nga si "Kabayan" Noli de Castro.

Sa ika-6 ka tuig , subling giila si  Vice isip  Most Trusted Entertainment and Variety Presenter alang sa iyang  kontribusyon sa entertainment ug komedya, lakip na ang iyang  adbokasiya sa likod sa camera.

Nakuha pud  ni Noli  ang Most Trusted Radio Presenter alang sa iyang   radio news program nga "Kabayan" sa DWPM Radyo 630/TeleRadyo Serbisyo, ug  "TV Patrol."

 Base kini  sa survey nga gihimo sa  research company nga Catalyst sa kapin sa  8,000 ka konsumer gikan sa  Pilipinas, Singapore, Malaysia, Hong Kong, ug Taiwan. 

Marian mobalik sa GMA Prime kauban si Gabby

Sugod karong  Abril 1,  makita na og balik sa GMA Prime ang Kapuso Primetime Queen Marian Rivera pinaagi sa teleseryeng    “My Guardian Alien”  nga gidumala sa  award-winning director nga si  Zig Dulay. Kauban niya sa maong proyekto mao ang aktor nga si  Gabby Concepcion .  Nalakip usab niini sila si  Raphael Landicho , Max Collins, Gabby Eigenmann , Marissa Delgado , Kiray Celis , Josh Ford, Caitlyn  Stave ,ug  Christian Antolin .

Gi-produce ang   “My Guardian Alien” sa  award-winning nga GMA Entertainment Group nga gidumala ni Senior Vice President Lilybeth G. Rasonable; Vice President for Drama Cheryl Ching-Sy; Assistant Vice President for Drama Helen Rose S. Sese; Program Manager Edlyn Tallada-Abuel; ug Executive Producer Shielyn Atienza.

Ang creative team niini kay gilangkoban nila ni Creative Director Aloy Adlawan; Content Development Consultant Ricky Lee; Creative Consultant Agnes Uligan; Head Writer Anna Aleta Nadela; ug ang  writers nga sila si Onay Sales-Camero ug Geng de los Reyes-Delgado.

Makita ang “My Guardian Alien” panahon sa   weeknights , 8:50 p.m.  sa  GMA Prime ug duna kini delayed telecast sa  GTV , 10:50 p.m.

Heaven ug Marco subling magpares

Subling magpares sa usa ka proyekto sila si   Heaven Peralejo ug Marco Gallo ug kini mao ang film adaptation sa "Men are from QC, Women are from Alabang" .

Ang maong pelikula kay i-produce sa  Sari Sari Network.

Kahinumdoman nga ni-click ang ilang tandem kaniadto sa  mini series  nga "The Rain in España" sa niaging. tuig.

Kapuso Programs sa Viu Philippines gidugangan

Dugang Kapuso programs ang makita na sa  streaming platform nga  Viu Philippines sunod buwan  ug pipila niini mao ang

I Left My Heart in Sorsogon, Legal Wives, Artikulo 247(Article 247), I Left My Heart in Sorsogon, Return to Paradise, Nagbabagang Luha (Flames of Love), The Fake Life, Legal Wives, ug  Nakarehas na Puso (Prisoners of the Past).

Nasayran nga gipalapdan sa   GMA Network ug  Viu Philippines ang ilang  partnership .

Makita sa Viu Philippines ang dugang  Kapuso programs sugod karong Abril 1.

Una na nga nilugwa sa maong streaming platform ang Lolong (Crocodile Whisperer),  ug First Yaya (The First Nanny). 

Max daghan og gibasted

Gipangbasted lang ni Max Collins  ang pipila ka mga lalaki nga nangulitawo kaniya karong panahona.

Sa pagka- karon,  nalingaw ra ang aktres sa iyang pagka-single .

Taod-taod na nga walay uyab si Max sukad sila nagkabuwag ni Pancho Magno.

Sarah ug Mommy Divine nagtingog na

Malipayong gibalita ni  Sarah Geronimo nga nagtagad na sila sa iyang   Mommy Divine Geronimo.

Suma pa singer nga  nabalik na ang  komunikasyon nila sa iyang inahan ,gani proud kaayo kini sa iyang latest achievements.

Kahinumdoman nga taod-taod nga wala magtingog ang duha human wala makauyon si Mommy Divine sa pagpakasal ni Sarah ngadto kang  Matteo Guidicelli. 

Jake wala mahimutang sa bag-ong proyekto

Giangkon sa Kapamilya actor nga si  Jake Cuenca nga nakulbaan siya gamay sa pagkalakip niya sa   Philippine adaptation sa  K-drama series nga "What's Wrong With Secretary Kim" nga gibidahan nila ni Kim Chiu ug Paulo Avelino .

Matud pa niya nga best friend niya si Paulo  ug usa  kini sa mga  rason nga medyo nakulbaan siya.

"It's not every day you get to work with your best friend,"  saysay pa ni Jake ngadto sa ABS-CBN News.

Dugang pa sa aktor nga ang iyang  role isip  "Morpheus" kay lahi ra gyud sa nangagi niya nga mga proyekto.

"Hindi siya 'yung typical na parang teleserye, tapos ang dami mong dinadala sa bawat eksena. So you know in a way, nine-nerbyos talaga ako because I'm gonna work with my best friend. Pero, in the sense of acting I knew he gonna come prepared, so parang mayroon rin akong hinanda. I think ano, magugulat sila kapag napanood na nila yung mga eksena," dugang pa ni Jake.

Nalakip pud sa "What's Wrong With Secretary Kim" sila si  Pepe Herrera, Angeline Quinto, Kaori Oinuma, Gillian Vicencio, Yves Flores, Janice de Belen, Franco Laurel, Romnick Sarmenta, ug Cai Cortez.

Rewind , No. 1  sa Netflix

Kasamtangang nahimutang sa No.1 spot ang pelikulang Rewind nila ni Dingdong Dantes ug Marian Rivera sa  Top 10 Movies  sa Netflix Philippines .

Kahinumdoman nga nagsugod ang pagpasalida sa Rewind sa  Netflix PH  niadtong Lunes ,Marso 25.

Ang maong pelikula maoy   topgrosser sa 49th Metro Manila Film Festival. 

Mga mahinawayon wala katandog kang Iza

Wala manumbaling si  Iza Calzado sa mga negatibong komento nga iyang nadawat kalabot sa iyang  nude maternity photos .

Kahinumdoman nga iya kining gi-post atol sa kasaulogan sa  International Women's Month.

Matud pa niya nga wala siya mangayo og atensyon ug walay siyag  laing tumong sa  pag-post niya sa maong hulagway  kundi ang pagsabwag ra gyud sa kadaogan sa mga kababaenhan.

Jen naaksidente samtang nag-motorsiklo

Naaksidente si Jennylyn Mercado samtang  nagmaneho og motorsiklo sa niaging adlaw . Matud pa sa aktres nga nawad-an siya og balanse gumikan sa kadangog sa dalan .

Napantok si Jennylyn  sa semento ,ug maayo nalang gani nga wala siya makabaton og major injury gumikan kay nagsul-ob  siya og helmet.

Natakdan ang aktres sa iyang bana nga si Dennis Trillo nga mahiligon og long rides . —