Jen dunay upcoming project sa Star Cinema?

CEBU, Philippines — Gidungog nga dunay umaabot nga movie project si Jennylyn Mercado.

Matud nga ubos sa Star Cinema ang maong proyekto.

Kahinumdoman nga nakalugwa na kaniadto si Jen sa laing Star Cinema project niadtong 2016, ang  “Just the 3 of Us” kauban si John Lloyd Cruz .

GMA-7 midominar sa  2024 New York Festivals TV & Film Awards

Naglawig  ang  GMA Network sa 2024 New York Festivals TV & Film (NYF) Awards human mao kini ang nakakuha sa pito ka mga nominasyon gikan sa siyam ka mga entries  sa Pilipinas.

Ang  Filipino drama series ni Ruru Madrid nga  “Black Rider” kay nominado sa  Entertainment Program: Drama category.

Wala usab nagpaulahi ang ’ “Sundo: A GMA Integrated News Documentary” ug mao kini ang modala sa Pilipinas alang sa  News Program: News Documentary/Special category.

Nakakuha pud og tulo ka nominasyon  ang flagship documentary program sa  GMA nga  “I-Witness,” nga nagsaulog sa iyang  25th anniversary karong tuiga.

Apil sa listahan ang  episode   sa maong programa nga “Boat to School”  alang sa  Documentary: Heroes category....

Nahaom pud kini sa Documentary: Community Portraits category alang sa istorya sa kinabuhi ni Mav Gonzales. Nalakip sa short-listed  sa documentary ang  entry  nga  “Bawat Barya (The Price of Dreams),” alang sa  Documentary: Social Issues category.

Pasok pud sa listahan ang monthly public affairs program nga  “The Atom Araullo Specials” Ang  episodes niini nga “Child's Game (Batas Bata)” ug  “One Deep Breath (Hingang Malalim)”kay magtigi sa  Documentary: Social Justice and Documentary: Human Concern.

Ang New York Festivals TV & Film Awards kay tighatag og mga pasidungog sa kapin 50 ka mga nasud.

Sa niaging tuig , ang  GMA Network kay nakakuha og  Gold  ug  Bronze medals.

Carla kever  kang Tom

Gitataw ni  Carla Abellana nga dili na kinahanglan ang iyang reaksyon sa bag-ong   love life sa iyang ex-husband nga si Tom Rodriguez.

Una na nga gibutyag ni Tom nga duna siya'y bag-ong inspirasyon apan iya lang kini nga gipribado.

“I don’t see the need to comment or even react. Parang it’s not any of my concern anymore, parang gano’n. Kumbaga I am aware naman na nakabalik na s’ya, ”saysay pa ni Carla ngadto sa GMA News.

Giklaro ni Carla nga wala ra siya'y problema kun maabot ang panahon nga magkasugat ang mga dalan nila ni Tom.

“Kung dahil sa trabaho, prepared naman ako. Nasabi ko naman na ‘yun na kung mag-krus ang landas namin, whether sa studio or what, guesting kung ano man ‘yan, prepared naman ako for that. Pero you know, I’ll just be myself. I’ll let him be, ” dugang pa sa aktres.