Darren, nag-hard launch sa GMA!
Simula April 6 ay mapapanood na sa GMA Network ang It’s Showtime. Opisyal nang ipinakilala si Darren Espanto bilang pinakabagong host ng naturang noontime show. “Sobra ‘yung hard launch ko, dito pa talaga sa GMA network. Nakakakilabot, it’s official and part of the Showtime family na talaga. Parang they didn’t really tell me officially. Sinabi lang nila ‘Si Darren po may photo shoot after the live. So magse-stay pa po ‘yung mga host to shoot a VTR and photo shoot.’ Hala! Kasama na ako sa photo shoot at saka sa VTR for the 15th anniversary. So sabi ko, ‘Wala nang atrasan ‘to.’ Totoo na siya,” nakangiting pahayag ni Darren.
Bukod sa pagkanta at hosting ay abala rin ang binata sa pagiging isang aktor. Napapanood si Darren sa seryeng Can’t Buy Me Love na pinagbibidahan nina Belle Mariano at Donny Pangilinan. “At the moment may mga episodes na hindi po ako nakakapasok (sa It’s Showtime). Kasi I’m taping for Can’t Buy Me Love. Minsan whole day po siya. Minsan tina-try kong humabol sa TNT segment na lang,” pagbabahagi ng singer-actor.
Ayon kay Darren ay hindi na siya nakaramdam ng pagkailang nang mapabilang sa It’s Showtime. Para sa singer-actor ay isang pamilya ang turingan ng bawat isa sa programa. “Very welcoming naman po sila. Hindi nila pinaparamdam sa akin na dapat kinakabahan ako. Dapat ganito ‘yung pagho-host. They just let me do my thing. And even off cam, parang pamilya lang din. That’s why it was easier for me to be able to connect with them, to jive with them,” pagtatapos ng binata.
Paulo, magpo-produce ng Kim-Pau movie
Namamayagpag ngayon sa Viu ang What’s Wrong with Secretary Kim na pinagbibidahan nina Kim Chiu at Paulo Avelino. Unang pumatok ang tambalan ng dalawa sa seryeng Linlang. Kung mabibigyan ng pagkakataon ay gusto raw ni Paulo na makagawa rin sila ng isang pelikula ni Kim. “As of now wala pa, but if ever there’s going to be an opportunity to do a movie with Kim, of course I’ll be happy to do it. I’ll be happy to collaborate, or even co-produce it,” bungad ni Paulo.
Ginagampanan ng aktor ang karakter ni Brandon Manansala Castillo sa naturang Viu series.
Para kay Paulo ay malayung-malayo sa kanyang personalidad sa tunay na buhay ang bagong role. “He’s very different from me as a person. Because first of all, wala akong idea sa corporate office setting. Second is hindi ako gano’n ka-narcissist like BMC. But the nice thing about the creatives and direk Chad (Vidanes) is they tried to ground it and make it as realistic as possible, ‘yung character ni BMC. So ‘yung narcissism niya medyo over the top pa din. Pero hindi naman sobrang over the top like the original. It was grounded even more para mas maka-relate din and hindi um-OA (over acting) sa panlasa nating mga Pinoy. GGSS (gwapung-gwapo sa sarili) pa rin pero hindi naman sobra-sobra,” paliwanag niya.
Napapanood ang What’s Wrong with Secretary Kim sa Pilipinas, Hong Kong, Singapore, Malaysia, Thailand, Indonesia at Myanmar. Kabilang din sa serye si Jake Cuenca na gumaganap bilang nakatatandang kapatid ni Paulo.
Isang malaking karangalan para kay Paulo na makatrabaho si Jake na kilala rin na isang magaling na aktor. “He’s very professional and he’s always straight to the point with his character. He knows his character well. So, it’s just like a light switch. He can turn it on or off, so there was no problem. It’s actually an honor that I got to work with Jake for a longer time,” pagtatapos ng aktor. (Reports from JCC)
- Latest
