Badingger Z and the Accla Assassin

Nakilala ko ang award winning director na si Real S. Florido nung maging bahagi s’ya ng pool of writers ng talk show naming Tweetbiz sa QTV ng GMA7. (ages ago ‘yan bilang ito ang pinaka-una kong hinost na showbiz talk show sa tv!)  Medyo matagal ko rin s’ya nakatrabaho at naging chika kami sa taping. (nilandi ko pa nga ata!)

Noon pa man ay mahusay na magtrabaho si Yay. (‘yan ang tawag sa kanya) kaya hindi ako nagulat nung sumabak s’ya sa pagsusulat at pagdidirek ng pelikula. Ilan sa kanyang mga obra ang 1st ko si 3rd, Bakit ‘di mo sabihin, Will you be my ex at Boys Love Kumusta ka bro, the series. Naging producer din s’ya ng pelikulang ISKA at ngayo’y Chief Creative Officer ng CreaZion Studios. (baka konting kembot na lang Hollywood na ito!)

May kasalukuyan siyang tinatapos na proyekto kasama sina Jennylyn Mercado at Sam Milby, pero abala rin s’ya sa pagpapakilala ng kanyang kauna-unahang comic book, ang Badingger Z and the Accla Assassin. (ay.. ayan na s’ya mga accla!)

“Losely inspired ang Badingger-Z Comic Book sa isang college project na ginawa namin noon sa Pamantasan ng Lungsod ng Maynila, project ng theater org ko na Magwayen Creative Scholars’ Guild.” Pagbabahagi ni Direk Real. (pwede pala sa MMK ito!)

Pero sino nga ba si Badingger Z? (ako ba pwedeng maging Fu Z?!)

“Si Badingger-Z ay isang rainbow cape superhero na gay lingo ang salita sa kanyang super human form. Bilang normal na tao, s’ya si Ading, isang mahiyaing teenager na laging binu-bully sa kanyang military school.” Pagpapaliwanag ni Direk Real. (ay gawin ko s’yang friend!)

Kahit pa man, lahing bahaghari ang karakter, hindi naman daw ito pang LGBTQ+ lang. “Readers can expect to have fun while reading the comic book and at the same time be amazed by the illustrations. My intention in creating the comic book is for people to get connected and have a little more understanding about the LGBTQ+ community and its members. I made the comic book with the intention of introducing the world Badingger-Z to everybody. “(sa kanya ang world, aking ang universe!)

Hindi rin daw ito hango sa sikat na comic gay character na si Zsa Zsa Zaturnah.

“Zsa Zsa Zaturnah is definitely an iconic superhero who represents some of the members of the LGBTQ+ people. Badingger-Z delves on the struggles, angst, and confusions of the LGBTQ+ teenager. “(so hindi ito Badingger Z--aturnah ha!)

Bilang s’ya ay producer, writer at direktor, hindi malayong maging pelikula ito o online series. Sa ngayon, wala pa raw sa plano ito, pero sino kayang artista ang pwedeng bumida? (baka ako, chos!)

“I think pwede si TJ Marquez as Badingger-Z, his built and facial feature is perfect. ‘Yung nemesis niya, named VARDA, pwede kahit sino sa mga kweens na sikat like Manila Luzon or Precious Paula Nicole. “Paglalahad ni Direk Real. (nandito lang ako direk baka may role na best friend dyan sa movie si TJ, o kaya booking! )

Youtube/FB: WTFu. Twitter/IG/Tiktok: @mrfu_mayganon. FB: mr.fu tagabulabog ng buong universe. Patreon: www.patreon.com/wtfu website: www.channelfu.com