Angelica Cervantes miangkon nga bisexual

Gipaneguro  ni Angelica nga dili  makaapekto  sa iyang  career  ang iyang sexual orientation. “Work is work. Huwag ninyo nang pakialaman. Ito yung gusto ko, e. Napapanood ninyo naman ako, diyan na kayo. Pabayaan ninyo ako,”  matud pa sa aktres.

Ang labing importante alang kang Angelica  nga mahatagan niya og kinabuhi ang role nga gidalit alang kaniya sa usa ka proyekto.

“Nagpapatunay lang na wala naman sa gender yan. Basta professional ka, magaling ka sa ginagawa mo, walang problema yon.

Makauban nila ni Kim ug Paulo gipaila na

Pormal na nga gianunsyo  ang makauban nila  ni Kim Chiu ug Paulo Avelino  sa  local adaptation sa ABS-CBN ug Viu alang sa  K-drama nga  “What’s Wrong With Secretary Kim".

Nalakip sa casts sila si Janice De Belen, Romnick Sarmenta, Angeline Quinto, Pepe Herrera, Franco Laurel, JC Alcantara, Kaori Oinuma, Gillian Vicencio, Yves Flores, Cai Cortez, Phi Palmos, Kat Galang,ug  Brian Sy.  Duna pu'y  espesyal nga partisipasyon niini si Kim Won Shik.

Dakong garbo alang sa aktres nga si Kim nga nahimo siya nga kabahin sa maong  serye.

Samtang si  Paulo sa iyang bahin,  nagpanikad na siya sa iyang karakter isip Mr. Vice-Chairman nga dunay pagka-seryoso apan dunay malumong kasing-kasing.

 “I’m very blessed and grateful that they considered me to be Vice-Chairman. Grabe ‘yung pressure sa akin so I’m trying my best to look the part and play the part properly,”  saysay pa sa aktor.

Ang  local adaptation sa “What’s Wrong With Secretary Kim” kay pagabuhaton sa  Dreamscape Entertainment ug i-ere karong  2024.

1621BC gilusad sa Star Pop

Opisyal na nga gipaila sa   record label  sa ABS-CBN nga Star Pop ang boy band nga ginganlan og 1621BC inubanan sa bag-ong single sa grupo nga “Laruan.”

Ang  1621BC kay gilangkoban nila ni Pan, Win, Migz, DJ, JM, ug JC.

Nahulma ang pangalan sa grupo gikan sa numerong 1621 nga usa ka angel manifestation number nga mopasumbingay sa pagkab-ot sa mga pangandoy , samtang   ang BC kay nag-ugat sa  Beyond Complete.

“Being a new boy band in the P-pop scene, we only have one goal and that is to introduce our songs and music that will make everyone cry, smile, celebrate, dance and sing like it used to be before,” mensahe sa maong grupo.

Samtang sa awit nga “Laruan,” gihisgotan niini ang toxic relationship sa kasamtangang henerasyon.

Nagsagol ang ilang emosyon sa paglusad sa una nila nga single.

“Sa totoo lang po kahit excited kami, tumatagos pa rin po talaga ang kaba. Yun po siguro talaga ang normal na mararamdaman kasi dugo at pawis po ang binigay po ng lahat, including the people who made this possible for us,” dugang  pa sa maong  grupo.

Madungog ang unang single sa 1621BC nga “Laruan” sa nagkadaiyang  streaming platforms.

 Nakauyon  kang Choi Woo

Nakadayeg si Denise Laurel ngadto sa  Korean actor nga si Choi Woo-shik gumikan kay maabi-abihon kaayo kini ngadto sa iyang fans.  Nitikang ang aktor dinhi sa nasud sa niaging adlaw  alang sa iyang fans day.

Forever ate

Gipasalig ni Maja Salvador ngadto kang Miles Ocampo nga naa ra gyud siya kanunay nga masangpit niini. Barugan gyud niya ang gisulti niya sauna nga siya ang "forever ate" ni Miles. Una na nga niulbo ang taho nga buwag na sila si Miles ug  Elijah Canlas.

Co-stars ni Judy

Sila si Edu Manzano ug RK Bagatsing maoy makauban ni Judy Ann Santos sa umaabot nga comedy series niini. Nagpanikad na og maayo si Juday sa maong proyekto. “Confidential pa title pero next year lalabas ," suma pa ni Juday

 Karla mihimakak sa isyu

Hugtanong gihimakak ni  Karla Estrada ang niulbo nga taho nga matud pa nanabi siya sa iyang higala nga matud pa nagbuwag na ang iyang anak nga si Daniel Padilla ug ang longtime girlfriend niini nga si Kathryn Bernardo.

Nagkanayon ang aktres nga  walay kamatouran ang maong report.

Padayon gihapon nga tak-om sila si Kathryn ug Daniel sa maong isyu.

Kahinumdoman nga  nagsugod ang maong isyu human nabatyagan sa ilang fans nga wala na kaayo mag-uban ang ilang mga idolo ilabi na sa mga espesyal nga  okasyon.

Special awards  naangkon ni Michelle

Ang pambato sa Pilipinas nga si Michelle Dee maoy nakaangkon sa Best National Costume award sa 72nd Miss Universe.

Bag-ohay lang kini gianunsyo, ug base kini sa labing daghan og botos nga gipaagi sa usa ka app. Si Michelle usab ang  nakakuha sa award nga  Voice for Change.

Naangkon usab niya ang Carnival Cruise Award sa maong prestihiyosong indigay.