Duha ang natangtang; Talisaynon,nanghawod!
CEBU, Philippines — Ang pambato sa Dakbayan sa Talisay nga si Johnel Bucog ang nahimong Star of the Night sa Sinulog Idol Season 4 Show Tunes Night human niya gipasundayag ang kinasingkasing nga awit ni Sam Smith nga “Writings on the Wall”.
Ang maong awit gikan kini sa salida ni James Bond nga “Spectre”.
Giangkon ni Jonel nga dili gyud kini ang maong awit nga iyang kantahon sa maong gabii. “Wala jud na siya sa akong list pero nay certain song nga naunhan nako sa line up then nakit-an nako ni siya nga song then familiar na nako siya and Sam Smith is one of my favorite artists”.
Komento pa ni Banat News entertainment editor ug usa sa mga hurado sa Sinulog Idol Ryan Mark alang kang Johnel: “It was a very beautiful performance. I love it, there was mystery, there was thrill. Parang you were really watching the James Bond movie just listening to your rendition of that song. I am very happy because watching you tonight is very different from the Johnel during the call backs. Karon, you really have the emotion, the right drama needed by the song”.
Giangkon ni Johnel nakaginhawa gyud siya og lawom human nga nakadungog sa komento gikan sa usa sa mga hukom, gani, napulihan og kalipay ang gibati sa iyang kasingkasing human sa kakulba. Pag-angkon niya, kulba gyud ang mag-una sa tanang finalists kay ang mga mag-una mao ang mahimong basehan sa tibuok kompetisyon.
Human nga naangkon ang gikahinamang tropeyo, mapasalamaton si Johnel sa tanan nga nagpaluyo kaniya. “First of all, I am really thankful for this opportunity nga mahimong Star of the Night. I am thankful to God, my supporters, especially my family. Kuan sab, unexpected nga ako ang mahimong Star of the Night. Thank you kaayo sa pagsupport kanako sa akong journey sa Sinulog Idol. Hopefully, until the end, kung asa man ko kutob, unta, padayon ang inyong pagsupport nako”, padayag pa ni Jonel.
Sa laing bahin, nanamilit na sa kompetisyon ang duha ka mga pambato sa Lungsod sa Liloan nga sila si Chriszandra Mae “Zandra” Pateres ug Yeza Karyl Mayol.
Matud pa sa mga hukom nga wala mohaom ang kanta alang sa ilang tingog alang sa maong gabii.
Bisan pa man dili na makapadayon ang duha sa kompetisyon, pabilin kini nga mapasalamaton nga nahimong kabahin sa Sinulog Idol Season 14.
- Latest
