Chito, matatag sa parokya...
Tatlong dekada nang magkakasama ang miyembro ng Parokya Ni Edgar na pinangungunahan ni Chito Miranda.
Si Chito ang tumatayong bokalista ng banda kung saan ay kabilang din sina Buwi Meneses, Darius Semaña, Gab Chee Kee, Dindin Moreno at Vinci Montaner.
Ayon sa bokalista ay matatag ang kanilang samahan sa grupo dahil talagang magkakaibigan sila mula noon pa man. “We’re stronger as a team. Pero more than that, we’re really friends ng mga kabanda ko. More than being musicians, magkakaibigan talaga kami. That’s why we never argued about music. We love being in a band, we just love being part of Parokya. Hindi tulad ng ibang bands, they’re primarily musikero first. So if they outgrow each other musically, natural lang na maghiwalay sila. Kasi hindi na sila magkakasundo sa music. With us, music is secondary. Barkada lang muna kami lahat. And we just love each other talaga as friends. Sanay kami na iba-iba ‘yung ugali namin and we respect that, so walang problema,” paliwanag ni Chito.
Ngayon ay napapanood si Chito bilang isa sa mga judge ng Idol Philippines na napapanood tuwing Sabado at Linggo ng gabi sa Kapamilya Channel, Kapamilya Online Live at TV5. Para sa bokalista ay kakaibang istilo ang kanyang ginagawa sa pagiging hurado ng programa. “Sa totoo lang hindi ako naglagay ng hulma or pattern kung ano ‘yung hinahanap ko eh. Kung sino man ‘yung mapili or makapasok, gusto namin talagang unedeniably someone who can clean the stage and own it. And someone na gusto mong panoorin regardless kung anong genre or style of characteristics. Kailangan you stick to your guns. Pakinggan mo ‘yung sarili mo more than anyone. But at the same time, hoping ka to learn. Kung paano mo i-balance, doon ka magiging idol. You have to learn from others but at the same time, hindi mo pwedeng i-compromise kung sino ka. So ‘yon ang mix na gusto kong makita as an idol,” paglalahad niya.
Alexa at KD, mag-iikot sa Amerika
Sobrang excitement na ang nararamdaman ngayon nina Alexa Ilacad at KD Estrada para sa nalalapit na Beyond The Stars: Star Magic US Tour. Kasama ang tambalang KDLex na magtatanghal para sa mga kababayan nating nasa New York sa Aug. 6, San Francisco sa Aug. 12 at Los Angeles sa Aug. 14. “We’re going to be performing in the US. We’re going to be touring around LA, San Francisco and New York. It’s for Star Magic’s 30th anniversary,” nakangiting pahayag ni KD.
Matagal na raw pinapangarap ni Alexa na makapunta sa iba’t ibang bahagi ng Amerika upang makapagbigay ng kasiyahan sa mga Pinoy na naninirahan doon. “I am just excited and I am really happy that we’re included in this amazing show. Because for me, I’ve always wanted to experience out of the country work, especially for like concert type of work. I’ve always wanted to do this and perform for our Kapamilyas abroad, for TFC (The Filipino Channel). I am just so excited more than anything,” pagbabahagi naman ni Alexa. (Reports from JCC)
- Latest
