Ipataas

Gihimakak ni Ken Chen nga ang kanhi niya ka loveteam nga si Rita Daniela maoy gipadungodungog niya sa iyang tweets sa nilabay nga bulan kabahin sa usa ka higala nga traydor. Suma pa niya ngadto sa PEP Troika atol sa presscon sa iyang latest single nga Quaranfling ubos sa GMA Music, okay kaayo sila ni Rita bisan pa og dili sila kanunay nga magka istorya. Aduna lamang gyud niya pay mga tawo nga birahon ka paubos bisan nagtinarong ka, apan gitambagan matud pa siya sa iyang mga ginikanan nga pasagdan na lamang kini sanglit ang si kinsa nga hugtanong ipaubos maoy ipataas sa Ginoo.

Karon na gyud!

Si Anne Curtis na gyud mismo ang nipahibawo kagahapon sa udto nga karong adlawa na gyud siya hingpit nga mobalik isip co-host sa It's Showtime human sa duha ka tuig nga pagka wagtang gumikan kay gihimugso niya ang iyang anak ug nadelatar sab gumikan sa pandemya sanglit natanggong sila sa Australia tungod sa mga health protocol nga gipatuman. Udtong tutok kagahapon, nagpaggawas si Anne og video sa Instagram diin naa siya sa helipad sa ABS-CBN, nirampa paingon sa elevator nga nagdala niya sa studio sa noontime show. Didto nisinggit siya og, "what's up, madlang people?" Ug caption niya sa maong video clip nagkanayon: This time. Tomorrow. FINALLY. See you MADLANG PEOPLE!