Suga sa BTS naglawig

CEBU, Philippines — Mikulit og rekord ang BTS rapper nga si  Suga human kini nakalangkat og  1 billion streams sa Spotify.

Mao kini ang kinatibuk-ang total sa mga produkto sa  nagkadaiyang niya nga mga kolaborasyon sa pipila ka artists kun diin usa na niini si August D .

Kahinumdoman nga nahimong miyembro si Suga sa  Korea Music Copyright Association (KOMCA) niadtong  2018, ug kasamtangang kini nga nalandig sa 10th most credited K-pop idol.

Pambato sa Pilipinas ang nakadaog

Ang pambato sa Pilipinas nga si Leonardo "Kodie" Macayan maoy napili nga  Mr. Gay World 2020 atol sa  virtual coronation niini kagahapon.

Kahinumdoman nga nalangan og usa ka tuig ang maong indigay gumikan sa mga kakulian.

Gipildi niya ang laing walo ka mga kandidato gikan sa laing nasud.

Nailhan si John human kini nahimong  grand champion sa "I Am Pogay" sa Kapamilya noontime show nga It’s Showtime.

Gawas sa maong grand title, nalangkat usab ni Macayan ang  Best in National Costume ug Personal Interview Award.

Tekla nasaypan nga nangawat

Gipaambit sa komedyante nga si Tekla pinaagi sa Facebook post ang paet niya nga kaagi sa usa ka tindahan kun diin gipasanginlan siya sa usa ka store clerk nga matud pa duna siyay gikawat nga pipila ka items sa maong tindahan.

Suma pa niya nga gikapkapan pa gyud siya niini apan napalaw ang maong store clerk human nasuta nga wala siyay gikawat.

Giingong dunay gipamalit si Tekla ug duna siyay resibo niini.

Matud pa niya nga naulaw gyud siya sa gibuhat sa crew sa maong tindahan.

Sa dihang gipaubos niya ang iyang face mask , dinhi pa nakaila ang maong clerk nga siya si Tekla ug grabe ang pagbasol niini .

Matud pa ni Tekla nga suwerte kaayo ang maong trabahante kay boutan siya ug wala na niya kini gireklamo sa tag-iya sa tindahan.

Giingong naghilak pa kini sa pagpangayo og pasaylo kaniya.

Bilib kang Kylie

Dili malimtan ni  Andrea Torres  ang "first kiss" nila ni Kylie Padilla sa original series sa  WeTV Philippines nga ‘BetCin’. Bilib si Andrea sa kooperasyon ni Kylie sa maong eksena.

Humam sa piniliay

Inigkahuman pa sa pinilay sunod tuig magpakasal sila si Bianca Manalo ug Senador Sherwin Gatchalian.  Ma-busy   pa si Gatchalian sa pagpangumpanya kun diin nilangsad siya og balik pagka-senador.

Independente nga anak

Gipasigarbo ni K Brosas ang iyang  24 anyos nga anak nga si Cryst gumikan sa pagka-independente niini.  Matud pa nga nagpuyo na kini og laing balay.

Misalmot og indigay

Usa sa mga nisalmot sa umaabot nga Miss Universe United Arab Emirates mao ang kanhi  Pinoy Big Brother : Otso housemate nga si Franki Russell.  "I am so inspired by everything this pageant stands for. Diversity, celebrating women from all walks of life, empowerment and breaking stereotypes. Stepping out of my comfort zone never felt so good,"  suma pa sa iyang IG post.

Naglawig gihapon

Hangtud karon, pabilin nga naglawig sa Netflix ang Korean series nga Squid Game. Naghisgot kini sa grupo sa mga tawo nga nisalmot og survival game aron makadaog og dakong premyo.

Catriona misuporta sa Smile Train Africa

Nihatag sa iyang suporta si Miss Universe 2018 Catriona Gray sa programang Smile Train Africa didto sa Kenya nga nag-umol og  "cleft treatment".

Sa iyang Instagram post, gipakita ni Catriona  ang iyang mga hulagway  kauban ang mga benepisaryo sa maong programa.

"Treating one child's cleft doesn't just transform that one life. It transforms the life of the parents, the family, and the community," tipik sa iyang social media post.