Gigi Vibes, dili biyaan!

CEBU, Philippines — Bisan tuod og hingpit na siya nga nahisakop sa Star Magic, giklaro sa social media sensation nga si Gigi de Lana nga dili niya biyaan ang iyang banda.

“All of us are working together so ang gusto ko as an artist, they support my decisions as well. Nakikinig ako sa kanila. So nakikinig ako sa management ko kung ano ang best so lahat talaga nagtutulungan. So hindi ko iiwan ang Gigi Vibes kasi it’s a part of me na tinanggap din ng management ko,” niya pa ngadto sa PUSH.

Nagkasikat karon si Gigi gumikan sa makalingaw nga concert niya kauban iyang banda hapit kada gabii pinaagi sa Facebook. Gawas nga nindot siya og tingog, mahimuot sab ang netizens sanglit trippan siya kanunay sa iyang mga kauban pinaagi sa paghatag og nagkadaiyang nota sa mga kanta nga iyang awiton. Samtang nasayran nga bisan wala pa siya nakapirma og kontrata sa Star Magic niining bag-o lang, nakasinati na siya og acting pinaagi sa Four Sisters Before The Wedding sa Star Cinema.

"Ngayon kasi nag-wo-workshop kami, training, kasi siyempre sa?Four Sisters Before the Wedding?sobrang first time kong umarte. I really don’t know exactly what I’m doing tapos kailangan ko pa siyang i-hone yung pag-act ko and at the same time ang dami ko pang kailangan matutunan and alam kong hindi ako pababayaan ng lahat ng bumubuo ng ABS-CBN. Alam kong gagawin nila ang lahat para marating namin yung goal namin,”  niya pa ngadto sa PUSH.

Kugihan gyud

Gidayeg ni direk Andoy Ranay ang iyang bida sa IwantTFC mini-series "My Sunset Girl" nga si Charlie Dizon. "Si Charlie Dizon is one young actor na very collaborative sa material, sa director, at saka sa co-actors niya. She would really go out of her way to do some readings to discuss. Masipag siya eh. Hindi siya pabaya. Mag-di-discuss siya, magtatanong pag meron siyang katanungan. Sobrang sipag niya. Tutok siya dun sa script, dun sa material mismo. Inaaral niya talaga. I don’t see any reason why she’s not going to be the next big star or she’s already a big star. It pays kung masipag ka talaga eh. Ganun talaga yun."

Sa GMA7 na pud

Balik GMA-7 si Rafael Rosell human sa iyang special participation sa inspirational serye sa ABS-CBN nga "Huwag Kang Mangamba." Malakip si Rafael sa umaabot nga teleserye sa GMA Network nga "To Love & To Hold." Freelance talent si Rafael mao nga makatabok tabok ra siya sa mga TV networks.

Happy 1st!

Usa ka tuig na diay ang relasyon ni Angelica Panganiban ug Gregg Homan. Kini base sab sa anniversary post sa aktres pinaagi sa IG niadtong Domingo. Caption niya sa hulagway nilang duha nagkanayon: "I don’t ever want to be madly in love ever again. I want to be healthy in love, sanely in love, peacefully in love." Ug mensahe niya alang kang Gregg: "Happy first year my love. i wuv yew". Kahinumduman nga niadtong new year's eve pa pormal nga gibandera ni Angelica ngadto sa publiko ang mao nilang relasyon.

Hannah na gyud!

Sama sa napanlantawan, ang pambato gyud sa Masbate nga si Hannah Arnold ang nakoronahan isip Bb. Pilipinas International niadtong Domingo sa gabii didto sa Smart Araneta Coliseum.

Ikaduhang higayon na kadto nga nisalmot ang 24-anyos nga si Hannah sa Bb. Pilipinas. Una siya nga niapil niadtong 2019, diin nalakip siya sa Top 15.

Sa usa ka IG post sayo niining tuiga gibutyag ni Arnold nga ang kasinatian niya niadtong 2019, naghatud niya sa mangiob nga gutlo sa iyang kinabuhi, apan mao sab kadto ang naghimo niyang mas malig-on ug maisugon nga binuhat.

Gumikan niadto, nahimo siyang modelo, ug mas nasinati niya ang Pilipinas sanglit natuyok niya ang nasud.

Ang beauty-queen nga adunay gitas-on nga 5'10, nagdako sa Canberra, Australia, apan mag-ulian sila sa San Fernando, Masbate nga maoy yutang natawhan sa iyang inahan.

Ang Miss International title gyud ang kaniadto pa gi-target ni Arnold. Managsama sila ni 2019 Bb. Pilipinas International Patch Magtanong nga mga sakop sa Aces & Queens beauty camp. Managhigala sila, ug may gi-upload pa siya nga hulagway nilang duha ni Magtanong diin iyang gipahalipayan ang nauwahi sa kadaugan niini duha ka tuig na ang nilabay.

Ug niadtong Domingo, nahitabo na gyud ang gipangandoy ni Arnold nga kadaugan. Ug niadtong tungora, ang iyang higala nga si "Patchy" (Magtanong), ang diha sa iyang kiliran ug nikorona kaniya.

"Venezuela" nalitok

Trending si 2018 Miss Universe Catriona Gray kinsa usa sa mga hosts sa Bb. Pilipinas Coronation Night niadtong Domingo. Kini kay "Venezuela" iyang nalitok inay Valenzuela City sa iyang pagtawag kang Meiji Cruz aron moabante sa semi-final round.

Makalibog pud

Trending sab si King of Talk Boy Abunda gumikan sa makalibog niya nga pangutana kang Miss Iloilo Karen Mendoza atol sa Q&A segment. Ang pangutana ni Abunda nagkanayon: When is it okay not to be okay and when is it not okay to be not okay?"

Samanthas

Puros ginganlan og Samantha ang pambato sa Pilipinas sa Miss Grand International sulod na sa tulo ka tuig. Niadtong 2019, si Samantha Lo ang nakigtigi didto sa Venezuela. Pakyas siya pagsulod sa semi-final round. Sa nilabay nga tuig, si Samantha Bernardo ang gitudlo sa BPCI nga pambato, ug napili nga first runner-up. Niadtong Domingo, si Samantha Panlilio ang gikoronahan isip Bb. Pilipinas Grand International. Sinyales ba kini nga marayna na gyud ang ikatulo nga Samantha atol sa international pageant puhon?