Click Janella!
Balik trabaho na gyud si Janella Salvador. Human sa paglugwa niya og balik sa ASAP niadtong Domingo, nabalita nga lakip siya sa mga mobida sa season 2 sa digital series sa ABS-CBN nga Click, Like, Share. Makauban niya sila si Tony Labrusca, Jerome Ponce ug Maymay Entrata. Kahinumduman nga ang mga bida sa season 1 naglangkob nila ni Andrea Brilliantes, Seth Fedelin, Kyla Echarri ug Francine Diaz.
Buotana gyud
Gidayeg sa netizens si Angel Locsin gumikan sa mensahe nga iyang gipadala ngadto sa iyang higala nga si Chito Miranda. Ang mensahe ni Angel nagkanayon, “Chito! May kwarto kayo dito sa bahay nila neri at miggy at kung sino pa kasama nyo sa house ha? Anytime pwede kayo dito. Mabuti ng iwas muna kayo at unpredictable pa yung taal.” Reply ni Chito, “oks kami ditto. May shoot kami ditto sa resthouse. Pero salamat sa pag-alala.” Si Chito ang nag-upload og screenshot sa panag-chat nila ni Angel. Caption niya nagkanayon,”Napakabait talaga nitong tao na ‘to Mula dati, hanggang ngayon..sobra talaga.”
Pwede si Julia
Trending si Julia Montes kagahapon sa buntag human ni-leak ang trailer sa teleserye nga “Kahit Minsan Lang” nga project unta ni Bea Alonzo sa ABS-CBN. Alang sa mga fans ni Julia, ang ilang idolo maoy haom nga modala sa role nga gibiyaan ni Bea. Panawagan nila ngadto sa aktres nga mobalik na pag-inarte pinaagi sa maong serye.
- Latest
