“Ate Sandali”

Nilugwa na gyud ang digital single ni Maris Racal nga unang collaboration niya ug sa iyang uyab nga si Rico Blanco. Una sab kini niyang proyekto ilawom sa music label ni Rico. Giulohan og “Ate Sandali”, inspirasyon niining maong kanta ang iyang maguwang nga broken-hearted kaniadto. Upat ka tuig na sukad nasuwat ni Maris ang maong kanta ug adtong December lamang siya nitagad niini pag-usab. “Siguro I can say that it’s very special kasi, my younger self, 17 years old, would thank me kasi, matagal ko nang gustong makatrabaho si Rico. And now that it came true and also, ito iyong mga songs ko na matagal ko nang gustong i-release, I can say that it’s very special.”

Sakit kaayo

Nitingog na si Pau Fajardo, ang ex-fiancé ni PBA player Scottie Thompson, diin iyang gibutyag nga nasakitan siya og maayo sa nahitabo apan nagpakahilom siya gumikan kay personal matud pa kaayo ang maong isyu. Ang iyang official statement nga giluwatan, maoy una ug katapusan niyang paghisgot sa isyu ug mag-move on na matud pa siya. Nangayo siya og dispensa sa mga tawo nga nadahig sa isyu. Trending topic ang pagpakasal ni Thompson niining bag-o lang sanglit engaged ug walo ka tuig na ang relasyon unta nila ni Fajardo, apan sa laing babaye nagpakasal ang basketbolista kinsa niingon nga duha ka bulan na sila nga nagbuwag ni Pau.