Rabiya, nauwaw, nagsorry…

Si Miss Universe Philippines Rabiya Mateo maoy nauwaw para sa Pinoy fans nga nibiay-biay nila ni Miss Universe Thailand Amanda Obdam ug Miss Universe Canada Nova Stevens.

Personal matud pa siya nga nagpadala og mensahe ngadto sa maong mga kandidata ug nangayo og pasaylo sa pagka walay batasan sa ubang Pinoy pageant fans.

Gibutyag sab ni Rabiya nga gi-meeting niya ang iyang solid supporters online ug gihangyo nga kun aduna man gani silay makita nga mga racist comments batok sa mga kandidata sa Miss Universe, badlongon kini ug ireport ang account.

Matud ni Rabiya nga makasabot kaayo siya gibati sa maong mga kandidata sanglit nabiktima sab siya og ingon niini kaniadto. Suma pa niya, silang mga kandidata karon sa Miss Universe pageant adunay chat group ug mao kini ang kanunay nga mahisgutan—ang online bullying ug racism.

Dismayado matud pa ang mga kandidata sa maong batasan sa pageant fans. Hasta si Miss Chile niya pa, apektado sab. Niya pa, angayan nga hunongon na ang ingon niini sanglit gawas nga dili gyud kini maayo ug makaayo, sukwahi kini sa tumong sa Miss Universe nga “to celebrate the differences and to be with the girls and the cause that they stand for."