Dingdong, saludo sa katipiran ni Marian

Saludo si Dingdong Dantes sa husay sa pagtitipid at talento sa pagnenegosyo ng asawang si Marian Rivera.

“Bilib na bilib ako sa kanyang entrepreneurial skills. Magaling siya sa pagtitipid. Sa pagsi-save!” pahayag ni Dong sa interview ng gmanetwork.com.

Hanga rin si Dong kay Yan sa pagdadala sa sarili ng asawa sa Instagram.

“Kung paano niya ibenta ang kanyang produkto, ang galing niya!” dagdag pa ng host-actor.

Nagsilbing inspirasyon kay Dingdong ang pagiging negosyante ng asawa upang itatag ang kanyang mobile delivery application.

“I must say na malaki ang inspirasyong naidulot niya sa akin kung bakit naitayo ang Dingdong platform at hanggang ngayon, nandiyan pa siya upang suportahan ako,” pagmamalaki ni Dong sa asawa.

Tumulong na rin si Dingdong na mag-deliver ng flower shop ni Yan na Flora Vida by Marian. Doon niya naisipi ang idea na magtayo ng delivery service.

Pinasok na rin dati ng aktor ang negosyo pero sa kalaunan ay nagsara rin ito.

Kaya naman sabihin man ng marami na mas magaling na negosyante si Marian, never naging isyu ‘yon kay Dong!