Grasya sa Dios

Walay pagmahay sa Ginoo si Sylvia Sanchez human siya ug ang iyang bana nga si Art nataptan og Covid sa nilabay nga tuig. Suma pa niya daghang blessings ang niabot sa iyang kinabuhi ug sa iyang pamilya human sa maong pagsuway. Ang gikabalak-an lamang niya niadtong tungora mao ang iyang mga anak, ilabi na ang kamanghuran nga bata sanglit walay moatiman niini. Lakip si Sylvia sa teleseryeng Huwag Kang Mangamba nga magsugod na sa ABS-CBN primetime karong Lunes. Siya si Barang, usa ka babay nga walay balay.

Bugoy, party boy

Suma pa ni JM de Guzman labihan ka bug-at ang istorya sa Init Sa Magdamag nga mulugwa na sa ABS-CBN sunod bulan. Dili matud pa kini sexy-sexy lang sanglit lawom matud pa ang istorya niini. Ang iyang role maoy mousab sa dagan sa kaminyuon sa character nila ni Gerald Anderson ug Yam Concepcion. Bugoy, maldito, party animal ang papel niya dinhi niining maong teleserye.

Salamat, TNT

Mapasalamaton si Janine Berdin sa Tawag Ng Tanghalan sanglit mao gyud kini nag-usab sa dagan sa iyang kinabuhi human siya nahimong grand champion. Si Janine nga pormal na nga nahimong sakop sa Star Magic, nisaysay nga napa renovate niya ang iyang condo didto sa Manila, nakatabang siya sa iyang pamilya sa mga balayranan sa balay ug nakasuporta sab sa pag-eskuyla sa iyang mga igsuon. Nakataak na sab siya og mga dapit nga gipangandoy lamang niya kaniadto sama sa Dubai ug Amerika. Bunga kining tanan sa iyang pagkanta.