“No deal”

CEBU, Philippines — Kana maoy tubag sa sikat nga vlogger nga si Mimiyuuuh ngadto sa usa ka instagram follower niya nga nangutana unsaon og tratar sa mga paryente nga maglagot o mahadlok og bayot. Pasagdan na lamang matud pa niya, o dili na tagdon.

I just don't deal with them," niya pa. "You know what I'm sayin'? No deal, bhie! No deal!"

Sa usa ka Youtube vlog niining bag-o lang, gitubag ni Mimiyuuuh ang mga pangutana sa iyang followers, diin  gipadayag niya nga dili basta basta nga iyang naagian aron lamang respitohon sa publiko.

"Alam niyo, maraming beses ko na itong sinasabi sa mga vlog na parang you really need to be someone to be appreciated by the homophobic people, family member, everyone. And I'm so done with that culture. I am done with you all."

Tambag niya ngadto sa iyang four million Youtube subscribers, dili matud pa kinahanglan nga aduna kay pamatud-an ni bisan kinsa. Angayan matud pa nga buhaton nimo ang unsay makalipay nimo.

"Do the things that will make you happy as long as wala kang tinatapakang tao and your intentions are good.

Kun dili ka matud pa madawat sa imong mga paryente, ayaw kabalaka kay, “there's a lot more people na makaka-appreciate sa 'yo.”

"They say blood is thicker than water, but I think the relationship that you build with other people—kahit hindi mo kamag-anak.

"I think that's much thicker, you know what I'm sayin'?"

Mayor Vico, nag-quarantine

Kasamtangan nga naka quarantine sugod kagahapon hangtud sa March 24 si Pasig City Mayor Vico Sotto. Kini human namatay gumikan sa Covid ang iyang driver nga si “Kuya Vener” niadtong Sabado. Miyerkules, March 10, katapusang nagkuyog si Vico ug ang driver sa wala pa kini nalandig sa tambalanan. Suma pa sa mayor bisan og mag negatibo pa silang tanan sa RT PCR, ipadayon gyud gihapon nila ang quarantine hinungdan nga online lamang una ang iyang pagtrabaho kauban ang mga empleyado nga na close contact niya.

Kinahanglan lig-on!

Todo, workout karon ang newcomer nga si Sean de Guzman kinsa nagbida sa Ang Anak Ng Macho Dancer nga gisalida niadtong January. Kini kay sunod-sunod ang iyang movie projects ug may teleserye pa siya sa Net 25, human usab ni-hit ang iyang launching movie. Mapasalamaton siya ngadto kang direk Joel Lamangan gumikan sa tanang tabang niini, diin maoy usa sa mga rason nga gipapirma siya og management contract sa Viva Artist Agency. Usa sa iyang umaabot nga pelikula ang action-bold movie kauban si AJ Raval nga gam-on sa Viva Films.

Walay hisgot og pandemya

Nagsugod na ang First Yaya kagabii human sa 24 Oras sa GMA7. Mao ni hulip sa Anak ni Waray vs. Anak ni Biday nga nitapos niadtong Biyernes sa rating nga 19.6% suma pa sa AGB Nielsen. Suma pa sa sa director sa First Yaya, direk LA Madrilejos, walay hisgot sa pandemya ang serye. Gilahi gyud nila ang istorya sanglit usa ka tuig na ang pandemya, busa ang ilang tumong gyud mao nga malingaw ang mutan-aw sa serye ug dili ma stress o maguol. Kun ang mga eksena kinahanglan nga himuon sa publikong lugar nga magkinahanglan og daghang mga tawo, isimang matud pa nila ang dagan sa istorya ug mo-focus sila sa drama, sa relasyon sa mga bida ug sa ilang pamilya. Pero sa lock in taping, nagtamod gyud sila sa health safety protocols.

Honeymoon stage pa

Wala pay plano nga makabaton og anak ang mga bag-ong minyo nga sila si Rocco Nacino ug Melissa Gohing. Mag-enjoy usa sila sa usag-usa hangtud nga anaa pa sila sa honeymoon stage aron walay pagmahay nga mahitabo. Matud ni Rocco, kun matagbaw na si Gohing og volleyball, anha na sila magplano nga makabaton og anak. Suportado matud pa nila ang usag-usa sa masig nila ka mga trabaho. Si Rocco ug Melissa gikasal niadtong January 21, 2021, sa balay sa Kapuso actor didto sa Rizal, duha ka mga bulan human sa ilang enagement niadtong November.

Dili pa ready

Nagkasuod ang magloveteam nga sila si Kira Balinger ug Grae Fernandez o KIRae sa set sa naghinapos na nga Kapamilya series Ang Sa Iyo Ay Akin. Gani ni-open up matud pa si Grae ngadto niya. Apan dihang gipangutana kun boyfriend material ba ang iyang ka loveteam, giklaro ni Kira nga dili pa sila andam ni Grae nga mag-level up na ang ilang friendship. Kinahanglan matud pa nila nga mas mo mature pa. Apan niingon si Kira nga wala niya isirado ang ganghaan para kang Grae sa umaabot.

Dili na bruha!

Nagbag-o nga Christine Reyes na matud pa ang nakatrabaho ni Diego Loyzaga alang sa Pinoy adaptation sa Korean drama Encounter nga gigama sa Viva Films ug isalida sa TV5.

Aminado si Christine nga aduna gyud siyay attitude problem kaniadto busa samok kaayo siya ikatrabaho—labad sa ulo.

Apan nag-mature na matud pa siya, ug nakaamgo nga kinahanglan na niyang mag-usab sa iyang batasan.

“It comes with life. I used to be a brat. Now I think I’ve grown,” nagkanayon siya atol sa presscon sa Encounter nga gipahigayon sa Viva. Niya pa,“I appreciate what I have right now. I’m grateful for what I have. So, I don’t want to put burden on anybody I’m working with.”

Maldita gyud siya niya pa ngadto sa iyang mga leading men ug ubang production people. Apan, mature na siya karon.

“It’s more on ano, being good. As a person we grow, and yeah, you have to learn to be always better and don’t be stuck to where you were, na if it’s not good, why would you stay there?

“So it’s always a progress. I’m not saying I’m always gonna be like this. But it’s a progress na I’m working on.”