Vice, nasagmuyo kang Vidanes!

CEBU, Philippines — Hingpit na nga nipabuhagay si Vice Ganda sa iyang kasagmuyo sa pagbiya ni Bobit Vidanes isip director sa It’s Showtime human sa 11 ka mga tuig gumikan kay anaa na kini karon sa TV5.

Sa latest vlog ni Vice diin kauban niya iyang uyab nga si Ion Perez ug Ryan Bang nga puros sa mga membro sa It’s Showtime family, gisaysay ni Vice nga nakugang silang tanan kabahin niini sanglit wala gyuy bisan usa nga nasayud.

Wala sab silay ideya kun may kahiubos diay nga gihambin si Vidanes. Iya kining gi-text aron magka-istorya sila, apan wala matud pa siya tubaga.

“Kung meron man, bakit hindi napag-usapan for 11 years? 'Tapos, pak! Biglang... wala na.

“Kung ano man yung dahilan niya, sana napag-usapan. At saka kung talagang family tayo, baka... kung napag-usapan, baka nagawan ng paraan.

Baka natulongan natin ang isa’t- isa, di ba? Kung may pinagdadaanan siya noon, baka nakagawa tayo ng paraan. Pero yung...

“‘Yun lang din, nakaka... ang plastik pagsinabing hindi ako na-offend!

“Parang... naloka din ako. Parang... ano yun? Ganun-ganun lang? Walang sabi-sabi.

Ang nakaliki pa gyud matud pa ni Vice kay bag-o pa sila nag 11th anniversary celebration.

“After 11 years, nanggaling pa iyon sa anniversary na meron pa tayong mga chikang 'walang iwanan kahit anong mangyari' sa opening.

“Di ba, may mga ganun-ganun tayo? 'Tapos, right after, a few days after the anniversary, biglang may maririnig kang parang... anong nangyari sa pangako?”

Mahinayon man

Mahinayon pa gihapon ang The Soulmate Project nila ni James Reid ug Nancy Mcdonie. Apan suma pa sa director nga si Antonette Jadaone, dili siya buot nga magdali sanglit dili makaayo niini ang limitasyon sa mga shooting gumikan sa health protocols. Dili sab siya ganahan nga usbon ang script aron mohaom sa mga lagda karon kay mausab na matud pa ang dagan sa istorya.

Last taping na

Kasamtangang nag last lock in taping na ang cast sa toptrending teleserye sa ABS-CBN nga Ang Sa Iyo Ay Akin nga gibituonan nila ni Jodi Sta. Maria ug Iza Calzado. Sa tunga-tungang bahin sa 2021 pa kini mahuman apan daghan na sila og nabangko nga mga episodes nga mulungtad na hangtud sa finale sa maong serye.

Layoa ra’s translation!

Ni-react si RK Bagatsing sa translation sa facebook sa caption nga iyang gi-post niadtong nilabay nga adlaw. Nagbisikleta si RK atubangan sa usa ka simbahan. Caption niya: Picture muna bago semplang. Apan ang translation sa facebook nagkanayon: Taking pictures before having sex. Pwes, reaction ni RK,  "Loko 'tong Facebook, 'papahamak pa 'ko."

Kapuso gihapon

Magpabilin sa GMA Network sila si Glaiza de Castro ug Ken Chan. Subling nipirma og kontrata ang duruha kagahapon.

Gerald, nangopya?

Gi-intriga karon ang caption sa hulagway nga gi-post sa mag-ex lovers nga sila si Gerald Anderson ug Bea Alonzo. Kini kay managsama ang ilang caption nga nagkanayon: Trust the timing of your life. Pero ang picture ni Bea adto pang January 7, na upload. Kang Gerald, niining buwana lang. May mga nidepensa hinuon kang Gerald nga common matud pa ang maong caption ug daghan mogamit nianang maong linya.

Nadine: It’s real!

Gihimakak ni Nadine Lustre ang pagduda nga giparetoke niya ang iyang ilong.

Sa Youtube video sa cosmetic doctor nga si Dr. Aivee Teo, gipadayag ni Nadine nga naglibog gyud siya nganong ipamugos gyud sa mga tawo nga giparetoke niya ang iyang ilong nga wala man gyud matud pa niya kini pahilabti.

“I feel like it’s... it’s the puberty. It’s, growing [up], it’s the growing up that really made it look like [this]… niya pa. Dugang pa, “It’s real!”Matud ni Nadine: “It’s the same nose.”

Gikompirma usab kini ni Teo.

Dungan niini, gipadayag sab ni Nadine ang iyang kalibog nganong big deal ang magparetoke. Wala matud pay dautan kun tinguhaon sa usa ka tawo ang pagpalambo pa sa iyang kaugalingon.

“I don’t understand why people see it as a bad thing, and people use it against people who actually do it.

“You can’t really hate on a person who wants to improve how they look and wants to look good, kasi I see it all the time.”