Nagpungasi nga mga proyekto

CEBU, Philippines — Isip bag-ong Kapamilya star,pabahaan diretso og mga proyekto si Janine Gutierrez sa ABS-CBN.

Suma pa sa aktres nga mahimo siya nga co-host sa Sunday musical variety show  nga “ASAP Natin ‘To” ug mahimong bida sa usa ka teleserye nga pagadumalaon sa Dreamscape Entertainment.

Gihan-ay napud ang iyang special guestings sa nagkadaiyang Kapamilya programs.

Duna pud siya’y umaabot nga pelikula ubos sa Star Cinema.

Gitataw ni Janine nga personal niya nga desisyon ang pagbalhin niya sa ABS-CBN human niistar og pipila ka katuigan sa GMA-7.

“Matagal ko siyang pinag-isipan. I guess it's something that's been in my heart for a while and I'm very grateful when that opportunity came. I'm very happy to be here now,” suma pa ni Janine atol sa virtual presscon niadtong Martes sa hapon.

Una na nga gidungog nga nga matud pa siyay modala isip Valentina sa Darna project ni Jane de Leon apan giklaro niya nga  wala pa siyay ndawat nga offer apan interesado siya niini.

Kahinumdoman nga nidala isip Valentina kaniadto ang apohan ni Janine  nga si Pilita Corales pinaagi sa  “Darna: Ang Pagbabalik” niadtong 1994.

Encounter

Magpares sila si Christine Reyes ug Diego Loyzaga sa Pinoy adaptation sa 2018 toprating Korean drama nga Encounter nga gisalida sab sa ABS-CBN niadtong 2019. Ang Viva Entertainment maoy mogama niini ug isalida pinaagi sa TV5. Sila si Song Hye-kyo ug Park Bo-gum ang mga bida sa original version.

Seryoso ni

Kumpirmado nga adunay relasyon karon ang 38-year old singer nga si Cherry Lou ug ang 25-year old Kapuso star nga si Phytos Ramirez. Sa post ni Phytos, gipadayag niya nga nakigrelasyon siya aron makigminyo ug dili kay aron makigbuwag lang paghuman sa pipila ka tuig. Naminyo si Cherry ngadto kang Michael Agassi nga manghud ni Carlos Agassi. Nagbuwag sila niadtong 2019. Aduna silay tulo ka mga anak.

Ipadakop gyud!

Nidangop sa Optical Media Board si Joed Serrano kinsa maoy producer sa movie nga Anak Ng Macho Dancer. Kini aron malutos ang mga nagpirata sa maong pelikula ug nagbaligya niini sa kantidad lang nga P100. Gideklara ni Joed nga gamiton niya tanang niyang koneksyon aron masilutan ang mga pirata. Launching movie kini ni Sean de Guzman ug gisalida niadtong Sabado pinaagi sa livestream app Ktx.ph ug subli i-livestream sugod karong Febuary 5-7.

Trike Now

Maglusad og kaugalingong booking app para sa tricycle didto sa Cabuyao City, Laguna si John Lloyd Cruz. Tawgon kini og "Trike Now", ug mao kini gikabusyhan sa aktor samtang sa Marso pa gikatahong sugdan ang shooting sa reunion movie nila ni Bea Alonzo sa Star Cinema.

Mamauli na

Mopauli na sa nasud sila si Mark Patterson ug Janella Salvador kauban sa ilang anak nga si Jude sa dili madugay. Kini maoy gibutyag ni Markus atol sa virtual presscon sa Hello, Stranger The Movie. Didto si Janella sa UK nanganak sa liwat nila ni Markus niadtong October, ug hingpit nga gipaila sa publiko ang bata sa nilabay nga bulan.

Gerald: Be sensitive

Panawagan ni Gerald Anderson nga mamahimong sensitibo ang katawhan sa gibati o bation sa uban ilabi na karon nga aduna pay pandemya.

Mao na ang tonada sa mga pamahayag sa actor sa interview niya niining bag-o lang sa Bawal Ma Stress Drilon show ni Ces Drilon sa Kumu.

“Sana maging sensitive din tayo sa mga ibang tao, na hindi po natin alam kung anong pinagdadaanan nila sa buhay.”

“Hindi po natin alam na may mga kanya-kanya po tayong challenges, e.

“Kanya-kanya yung hinaharap natin, so let’s try to be sensitive and sana may concern din tayo para sa iba.” Ug tambag niya sa kabatan-onan: “Just keep things simple.”

“’Yan naman ang pinakaimportante sa mga natutunan ko. Don’t complicate life.

“Ang daming pwedeng magbago, and the more you keep it simple, the better.”

Gi-promote ni Gerald sa maong interview ang umaabot niya nga teleserye kauban sila si Yam Concepcion ug JM de Guzman, ang “Init Sa Magdamag.”

Emo Jodi

Na-emotional si Jodi Sta. Maria sa iyang latest vlog diin nibalik siya sa Pagsanjan, Laguna paglabay sa 15 ka mga tuig. Sa maong probinsya ang location sa sikat nga Sunday youth oriented show sa ABS-CBN niadtong 1999 hangtud 2003, nga mao ang Tabing Ilog. Sa maong show nagsugod si Jodi, diin nabaid og maayo ang iyang potensyal sa pag-arte kauban sab sila si Kaye Abad, Paolo Contis, Desiree del Valle, Patrick Garcia, Baron Geisler, Paula Peralejo, ug John Lloyd Cruz.

Suportado sa bana

Gitanyagan diay unta og role ni Coco Martin si Tanya Garcia aron malakip kini sa FPJ’s Ang Probinsyano, apan gibalibaran sa aktres kay niadtong tungora, lakip pa sa cast ang iyang bana nga si Mark Lapid. Hunahuna ni Tanya nga dili mahimong magdungan sila ni Mark og kawagtang sa ilang balay aron magtaping ug mabiyaan ang ilang mga anak. Paambit ni Tanya ngadto sa PEP nga pamilya gyud iyang priority, hinungdan nga sa umaabot nga teleserye sa GMA7 nga Babawiin Ko Ang Lahat, guest role ra gyud iyang gitanduan. Apan kay nahitabo man ang pandemic, gisuportahan siya ni Mark dihang gitawagan siya sa production team kun mahimo ba siyang mobalik sa taping kay himuon nang regular ang iyang character. Rason ni Mark, kinahanglang malingaw iyang asawa, sanglit pipila ka bulan kining natanggong sa balay.

Ibalik diay

Nagmaya ang casts sa Brightlight Production’s sitcom Sunday Kada nga makita sa TV5, sanglit ibalik na sila sa ere. Gitakda na ang ilang paglarga sa Boracay alang sa taping sa season two karong February 12-17. Kahinumduman nga dungan nga nawala sa ere ang Sunday Kada ug Sunday Noontime Live niadtong January 17. Nakuyawan ang casts sa sitcom basin og hingpit na gyud sila nga mawagtangan og trabaho.