Napungot uy!

CEBU, Philippines — Gipahinumduman ni Ion Perez ang padayong mga nag-question sa matuod niyang pagbati kang Vice Ganda nga nisaad gyud siya ngadto sa inahan niini nga nahigugma gyud siya sa TV host. “Bago niyo isipin at sabihin na lolokohin ko to! Isipan niyo muna namay isang NANAY ROSARIO akong sinabihan na MAHAL NA MAHAL KO ang ANAK niyang si TUTOY! Medyo napungot na si Ion sa iyang post sa Instagram sa nilabay nga adlaw. Padayon niya, “Daming EBAS! VAKLANG TWOO! O LOKO!

Lahi nga Genre

Excited na si Asia’s Songbird sa iyang umaabot nga “Freedom” concert. Baynte matud pa ka mga kanta ang iyang giandam ug daghan matud pang surpresa. Gipasabot niya nga ang titulo sa iyang concert nagpasabot og kagawasan nga kantahan niya ang mga awit nga buot niyang kantahon. Suma pa, ang nakapa-excite gyud niya mao nga ang mga kanta nga iyang idalit, sukwahi sa iyang mga naandam na. Lahi nga genre matud pa. Ang Freedom mahitabo karong February 14, sa alas otso sa gabii pinaagi sa digital portal nga Ktx.ph.

Na-trauma gihapon

Hangtud karon, na-trauma pa gihapon si Xian Lim sa pagpanglungkab nga iyang nahiaguman. Maglisud pa gihapon siya og tuo nga nahitabo kadto sa iyang balay. Nagduha-duha gyud matud pa siya'g pahibawo sa publiko sa nahitabo apan iyang nahunahuna nga kinahanglang mosulti siya aron magmatngon ang uban. Suma pa niya, bisan unsa pa ka secure sa balay, naay CCTV, ug uban pang pang-alkontra, ang tawo nga desido gyud mohimo og krimen, makakita gyud gihapon og pamaagi aron makasulod sa balay. Kasamtangang gi-promote ni Xian ang iyang pelikula ubos sa Viva Films nga “Parang Kayo Pero Hindi” kauban sila si Marco Gumabao ug Kylie Versoza.

Social media Diet

Nag-deactivate og tulo ka mga adlaw sa iyang Facebook ug instagram accounts ang R&B Princess nga si Kyla. Kini kay matud pa niya naapektuhan ang iyang mental health sa iyang mga nakita sa social media. Buot unta niya nga usa ka semana, apan kinahanglan sab niya ang iyang social media accounts aron maka konek sa iyang mga mahal sa kinabuhi.

Happily Married

Walay ginganlan ug direktang gitumbok apan tataw nga ang post ni Ian Veneracion niining bag-o lang maoy reaksyon niya sa nag-intriga nga aduna silay relasyon sa iyang anak sa sitcom nga Oh My Dad sa TV5 nga si Sue Ramirez. Suma pa niya, makausa napungot gyud siya, dungan sa paggamit og hashtag nga “happily married.” ““I don’t want to normalize people exploiting our personal lives for their entertainment. I don’t need to defend myself from the lies of perverts.” Nagsugod ang tanan sa blind item ug silang duha ni Sue ang ginganlan sa netizens. Una niini, gihimakak na sa uyab ni Sue nga si Javi Benitez nga dili ingon niana nga matang sa pagkababay ang aktres, busa dili gyud tinuod ang maong tsika.

Biggest Fear

 Ang mawagtang si Governor Chiz Escudero niining kalibutan ang biggest fear ni Heart Evangelista. Kana maoy tubag niya ngadto sa usa ka follower niya nga nangutana unsay iyang labing gikahadlokan. Tug-an niya, kanunay matud pa siyang pahinumduman sa iyang bana nga kinahanglan magmalig-on siya sanglit mas mauna mawala sa kalibotan ang gobernador. Strong matud pa siya, pero mahadlok gyud siya maghunahuna niana.

Congressman, Arjo?

Misibaw ang taho nga plano ni Arjo Atayde nga molansar pagka kongresista sa 5th district sa Quezon, City. Kun mahitabo kini, makaatbang sa maong multi-awarded actor ang manghod ni Alfred Vargas nga si PM kinsa kasamtangan nga konsehal sa nahisgutang siyudad. Si Alfred maoy kasamtangang kongresista sa maong distrito. Si Arjo bag-ohay lang napili nga best actor sa Asian Academy Awards.

Lloydie-Bea karong Marso

Karong Marso na matud pa sugdan ang reunion movie nila ni John Lloyd Cruz ug Bea Alonzo suma pa ni Star Cinema bigwig Olivia Lamasan. Matud ni Lamasan apil na sila si Loydie ug Bea sa paghulma sa istorya sa ilang pelikula base usab sa ilang mga kasinatian ug nakat-onan busa mas magmabulokon gyud matud pa ang maong pelikula ug angayang atangan.

Free V concerts

Adunay libreng Valentine concerts nga idalit ang ABS-CBN events pinaagi sa Youtube. Kini mao ang concert ni Jona karong February 6, diin guests niya sila si Bugoy, Jimko ug Jeremy G; ug ang concert sab nila ni Juris ug Jed Mandela karong February 13, diin ang guests mao sila si Ice Seguerra, Marki Stroem, Fana, Miguel Oldron. Makita ni sa Youtube channels sa MYX, MOR UG ABS-CBN Music ang maong mga concerts.

Daghang movies

Ubay-ubay nga mga pelikula ang himuon sa Star Cinema karong tuiga. Gawas sa reunion nila ni Bea Alonzo ug John Lloyd Cruz, gihikay na sab ang reunion movie nila ni Piolo Pascual ug Claudine Barretto kansang blockbuster nga pelikula mao ang Milan ug giisip nga usa labing maanindot nga mga movies sa nasud. Naa sab ang movie sa Kathniel o sa loveteam nila ni Daniel Padilla ug Kathryn Bernardo, samtang magsugod na ang shooting puhon sa unang pelikula sa labing bag-ong kapamilya nga si Janine Gutierrez.