Wow, Angel!

CEBU, Philippines — Pasok si Angel Locsin sa Tatler Asia 2020 Leader of Tomorrow gumikan sa iyang mga buhat nga nakatabang sa mga nanginahanglan dinhi sa Pilipinas. Gawas kang Angel, nalakip sab sa listahan ang gymnast nga si Carlos Yulo, Angkas founder George Royeca, Senator Grace Poe's Chief of Staff ug anak nga si Brian Poe Llamanzares, fashion designer Mich Dulce, ug ang photographer nga si Ezra Alcayan.

Daghang Grasya

Sila si Pokwang, Wacky Kiray ug Billy Crawford ang mga kapamilya nga bulahan kaayo karon sa TV5. Tagduha ang ilang shows. Si Pokwang adunay Chika Besh kada adlaw kauban sila si Pauleen Luna ug Ria Atayde ug Fill in the Bank katulo sa usa ka semana kauban sab si Jose Manalo. Si Wacky Kiray apil sa noontime show Lunch Out Loud ug Sunday Kada. Ug si Billy, naay Lunch Out Loud ug host sab siya sa Masked Singer Pilipinas sugod karong October 24.

Pagka Bulahan

Apan mas hugyaw si Bayani Agbayani nila kun mahinayon ang tanan niyang projects sa TV5 kay dili lang duha, kundili tulo gyud ang iyang mamahimong shows puhon. Apil siya karon sa hosts sa Lunch Out Loud noontime show sa Brightlight Productions sa TV5. Adunay giluto nga sitcom sab diin makauban siya ni Aga Muhlach ug aduna pay giplano karon nga game show diin co-host niya ang us aka actor politician.

Jaya, Jona, Kaladkaren

Gipulihan na sila si Bayani Agbayani, Wacky Kiray ug Alex Gonzaga isip nga “singvestigators” sa mobalik nga show ni Luis Manzano sa ABS-CBN nga mao ang I Can See Your Voice. Kini human sila nibiya sa Kapamilya Network aron mamahimong hosts sa Lunch Out Loud sa TV5. Sila si Kaladkaren, Jaya ug Jona maoy mga bag-ong makauban nila ni Angeline Quinto, Kean Cipriano ug Andrew E. isip bag-ong singvestigators.

Andam na ang lubnganan

Giandam na ni kanhi president Joseph Estrada ang iyang lubnganan kun ugaling mopanaw na siya. Tua kini mahimutang sa gawas mismo sa Joseph Estrada Museum and Archives sa Tanay Rizal, diin naka house arrest sulod sa upat ka tuig si Erap kaniadto. Ang lubnganan maoy gipakita ni kanhi senador Jinggoy Estrada sa iyang latest vlog.

Piolo ug Jasmine, magpares

 Magpares sa pelikula sila si Jasmine Curtis Smith ug Piolo Pascual. Kini pinaagi sa “Real Life Fiction” sa direksyon ni Paul Soriano. Co-production venture kini sa Ten7 ni Soriano ug sa Viva Films.

Giampo ang kanhi kaubanan

Giampo og apil nila ni Gary Valenciano, Martin Nievera, Regine Velasquez, Zsa Zsa Padilla, Ogie Alcasid, ug mga kaubanan ang ilang mga kauban kaniadto sa ASAP Live nga aduna nay laing show. Ang pag-ampo gihimo nila sa dayong pagsugod sa ASAP Live niadtong Domingo, base sa mga hulagway nga nikatap sa Instagram. Kahinumduman nga nagsugod sab niadtong Domingo sa TV5 ang Sunday Noontime Live diin hosts ang mga kanhi taga ASAP nga sila si Piolo Pascua lug Maja Salvador, kauban nila ni Jake Ejercito, Donny Pangilinan ug Catriona Gray. Ang kanhi big boss sa Star Magic nga si Johnny “Mr. M” Manahan maoy ilang director.

Ogie, gibawsan ang vlogger

Gibawsan ni Ogie Diaz ang vlogger nga nihingan sa iyang talent nga si Liza Soberano nga us aka NPA human nag-speech sa online forum sa Gabriela Youth sa nilabay nga tuig. Sunod-sunod ang tweet ni Ogie sa nilabay nga adlaw. Usa niini nagkanayon nga walay bayad si Liza alang sa maong speech, apan ang iyang nahibaw-an mao nga “may money involved sa mga nagre-redtag sa alaga ko. Monthly daw yan.”

Cebu for the win!

Wala magpalupig ang Team Cebu nga gilangkuban nila ni Apriel Smith (Cebu Province), Tracy Maureen Perez (Cebu City), ug Lou Piczon (Mandaue City) sa pre-pageant activities sa labing unang Miss Universe Philippines.

Si Lou maoy nidaog sa Runway Challenge sa nilabay nga adlaw.

Si Tracy napili nga winner sa Swimsuit Photo Challenge sa nilabay nga semana.

Samtang si Apriel usa sa giisip nga labing lig-on na kandidata sa pageant kansang preliminary competition mahitabo karong October 22, u gang conation night karong October 25, didto sa Baguio, City.

Mga hulagway courtesy of Miss Universe Philippines FB page

Erotic comeback ni Albert

Masaligon si Albert Martinez nga hugyaw ang mamahimong resulta sa Pinoy adaptation sa Korean melo drama erotic trailer nga The Housemaid sanglit mga maayo ang mga artista nga maglangkob niini.

Si kanhi Miss International Kylie Versoza maoy bida niini ubos sa Viva Films.

"I’m sure, we can come up with something powerful. We can come up with something believable and yet, we can get away with it, with all the magic of film."

Giangkon ni Albert atol sa story conference niining maong pelikula sa nilabay nga adlaw nga nakahunahuna na siya nga moretiro sa showbiz pagsugod sa pandemic gumikan kay nagtuo siya nga wala nay kapuslanan pa sanglit wala nay manan-aw sa mga sinehan, ug maglisud na ang mga taping ug shooting gumikan sa mga limitasyon.

Gani nakig-istorya na siya sa iyang manager nga si Shirley Kuan nga hayan mopahuway na siya sa pag-artista human usab sa 40 ka mga tuig niya nga pagtrabaho sa industriya.

Apan, matud pa sa 59-year old actor, niabot kining maong pelikula nga major production busa iyang gidawat human sab siya gipasabot unsaon kini paghimo subay sa health protocols. Magsilbi kini nga comeback movie ni Albert kinsa 15 ka tuig na nga wala mohimo og mga pelikula ug sa teleserye nagfocus.

"So I’m very excited, matagal na akong hindi gumagawa ng pelikula. The last time, major film na ginawa ko was siguro early 2000.

"More on soap opera ako for the last fifteen years, so I’m very glad na kahit may pandemic at kahit may situation tayo, makakabalik ako sa original love ko which is film."