Three year old friendship

CEBU, Philippines — Nagbonding didto sa Subic sila si Kim Chiu, Bella Padilla ug Angelica Panganiban aron saulogon ang tulo ka tuig na nilang panaghigalaay. Post ni Kim sa iyang IG, “We may not see each other often but the moment we reconnect it feels like yesterday.”

New Look

“I have everything I need to be happy ,” ang caption ni Julia Montes sa iyang mga hulagway diin new look siya. Daghang netizens ang gigwapahan niya.

Zoe TV gyud?

Nisamot ka dako ang pagtuo nga hapit na subling makita sa free TV ang ABS-CBN. Kini human sugod karong adlawa, lakip na sa mga channel nga makita sa Skycable subscribers mao ang Zoe TV. Taod-taod na nga tsika nga mopalit og oras ang ABS-CBN sa maong channel ug nga niadtong September 28, unta ang paglusad na sa mga shows niini apan gihikling lang una. Una maud pa nga isalida sa ABS-CBN pinaagi sa Zoe TV mao ang ASAP ug It’s Showtime.

Greeting ni Sarah

“Ang aking habambuhay. Maligayang kaarawan po tatay Delfin ko.” Mao na ang hamubo nga birthday greeting ni Sarah Geronimo sa iyang amahan niadtong nilabay nga adlaw. Ang hulagway nga iyang gigamit mao ang picture nilang duha atoll sa iyang The Great Unknown Unplugged concert niadtong 2016. Mao ni ang labing unang higayon nga nag-post ang Pop Star Princess og may kalambigitan sa iyang pamilya human sa gamay nga komosyon sa kasal nila ni Matteo sa nilabay nga tuig kay matud pa nisulong ang iyang inahan nga si Divine sa veue sa reception kay walay kasayuran iyang mga ginikanan nga nagminyo na siya.

Love via Tinder

Nahugyaw ang twitterverse human may usa ka netizen nga ni-tweet og video clip nga nagbutyag nga nakaila ni Michelle Madrigal sa dating app nga Tinder ang iyang bana nga si Troy Woolfolk. Si Michelle gyud ang ni “swipe right” (maoy ni una). Nagminyo ang duruha sa nilabay nga tuig ug aduna na sila karoy anak babaye.

Gigukod ang snatcher

Gigukod ni Vina Morales ang tawo nga naglabni sa iyang cellphone sa samtang nagpark ang iyang sakyanan sa usa ka gasoline station sa EDSA sa nilabay nga adlaw. Wala niya maapsi apan may tawo nga nakasulti niya kinsa ang maong tawo ug may polis nga niabot. Gitawagan siya sa otoridad aron mopasaka og kaso apan nagdumili siya nga moadto sa police station gumikan sa Covid. Sige na lang sab niya pa kay cellphone ra man to. Ang iya lang nga magmatngon ang tanan sa ilang mga butang.

Maypa nagcorporate work

Nakahunahuna si Christian Bautista nga maayo pa’g nag-corporate work na lang siya sama sa iyang asawa, human pipila ka bulan nga wala siyay trabaho gumikan sa pandemya. Karon nga nahibalik na iyang trabaho pinaagi sa The Clash Season 3 ug All Out Sunday, maghunahuna na gyud matud pa siya unsa pay lain niyang mabuhat nga dili magsalig sa showbiz.

Gimingaw og Pinoy food

Nibisita ug nikaon sa iyang mga paborito didto sa Filipino market sa South Korea si Sandara Park niadtong nilabay nga adlaw. Lakip sa iyang gikaon ang corned beef, tocino ug Filipino style nga spaghetti.  Matud ni Sandara nga hagbay ra siya nakadungog sa maong Filipino market apan niadtong tungora pa lang gyud siya nakahigayon.