Hangyo ni Marian

Gisaulog ni Marian Rivera  ang iyang birthday  niadtong August 12.  Dungan niini, dunay hangyo  si Marian ngadto sa katawhan. “Let’s continue to pray and help each other. Thank you so much for all your birthday greetings!” suma pa sa aktres.

Nagbaha ang papremyo

Gibutyag ni Vice Ganda nga nagbaha ang papremyo sa iyang mga online show sa Vice Ganda Network.   Ang mga show niya naglangkob sa  Prize Ganda: Ang Online Palarong Pangmadlang ug Gabing-Gabi Na, “Register na para maka-achieve ng Good Vibes at Cash Prizes. Daliiii!!! G na G na to!!!! Sa mga nakaregister na dati keri na yun kaya kalma na kayo,”!tweet pa ni Vice.

Proud tindera

Gipasigarbo sa usa sa mga kandidata sa Bb. Pilipinas karong tuiga nga si Kimberly Ann Tiquestique ang pagpamaliya niya og street foods.  Dili na bag-o alang kaniya ang ginagmay nga negosyo, gumikan kay nakaagi na siya niini niadtong high school pa siya.

Aljur nataypan ni Kris

Giangkon ni Kris Bernal nga na-develop gyud siya kaniadto sa iyang kanhi ka-loveteam nga si Alju Abrenica. Nadala siya sa sweet nga mga eksena nila sa teleseryeng  Coffee Prince (2012), Machete (2011), The Last Prince (2010), ug All My Life (2009). Gi-kontrol lang ni Kris ang iyang gibati sanglit uyab ni Aljur si Rich Asuncion niadtong higayona.

Lahi og konsepto

Gibutyag ni Kitkat nga dili matawag nga karibal sa Eat Bulaga ang noontime show nila ni Anjo Yllana sa Net25. Suma pa ni Kitkat nga lahin ang konsepto sa ilang show.

Gardo ug Tina magpares

Sila si  Gardo Versoza  ug Tina Paner ang mga bida  sa episode unyang hapon sa  Wish Ko Lang. Makauban nila sa maong episode sila si Micko Laurente ug Miggs Cuaderno.

Dili intresado

Walay plano si Alessandra de Rossi nga mag-vlog bisan pa man nga mao na kini ang uso karon sa ubang artista. Ang iyang mga social media account maoy gikalingawan karon sa aktres.

LDR

Tungod kay lisod  man ang pagbiyahe karong panahona , wala kalarga si Lovie Poe sa laing nasud aron ubanan ang iyang British boyfriend nga si Montgomery Blencow kinsa nagsaulog sa iyang birthday sa miaging adlaw. Gitataw hinoun sa aktres nga naka-adjust ra siya sa long distance relationship o LDR.

Alex dunay poser

Gipasidan-an ni Alex Gonzaga ang iyang followers nga dili dayon magpadala sa iyang poser. “I have been receiving reports about me joining YouTube live streams. There are several YouTube contents and Facebook posts of me leaving comments on the said videos. Please be aware that this is not my doing. Poser accounts are using my name and profile photo to comment on these livestreams," suma pa ni Alex.

Nanghatag og biseklita

Nag-apod apod si Gretchen Ho og  mga biseklita ngadto sa 50 ka frontliners . Suma pa ni  Gretchen gamit kaayo kini inigpadulong nila sa trabaho. —